Ыттаах хаһаайыттарга 33 боротокуолу толордулар

Алтынньы 5-11 күннэригэр СӨ бэтэринээрийэҕэ департаменын судаарыстыбаннай иниспиэктэрдэрэ полицияны уонна олохтоох дьаһалта үлэһиттэрин кытта ыттаах ыалларынан 31 рейдэҕэ сырыттылар.

Рейдэлэр Нерюнгри, Ньурба, Өлүөхүмэ, Хаҥалас, Мэҥэ Хаҥалас, Бүлүү, Ленскэй, Уус Майа, Үөһээ Бүлүү, Орто Халыма, Таатта улуустарыгар, ону сэргэ Дьокуускай куорат уокуруктарыгар буоллулар.

Нэдиэлэ устата судаарыстыбаннай иниспиэктэрдэр уопсайа ыттаах хаһаайыттарга 33 боротокуолу оҥордулар. СӨ кодексатын  5.4 ыст. административнай быраабы кэһии иһин  15 уураах таҕыста, ону сэргэ рейдэ кэмигэр уопсайа ыттаах хаһаайыттарга 14 тыһыынча солкуобайдаах ыстараап оҥоһуллунна.

Административнай эппиэтинэскэ тардыллыы сүрүн биричиинэтэ хаһаайыннаах ыттары бэйдиэ ыытыы буолар.