Ыттарга уонна куоскаларга ииримтийиини утары босхо быһыы туруоруохтара

Муус устар 15-22  күннэригэр Дьокуускайга сыл ахсын ыытыллар «Бешенству — нет!»  аахсыйа буолара күүтүллэр. Бу күннэргэ Дьокуускай куорат уонна Жатай бөһүөлэгэр бэтэринээринэй пууннарга ыттарга уонна куоскаларга ииримтийиини утары босхо быһыы туруоруохтара.

Ииримтийиини утары куоскаларга «Щелково-51», оттон ыттарга «Рабикан» диэн антирабическай инактированнай быһыылары туруоруохтара. Маны сэргэ бу пууннарга төлөбүрдээх араас өҥөлөр оҥоһуллуохтара. Чииптээһин  сыаната — 600 солкуобай.  «Мультикан -8» диэн аденовируснай, парвовируснай уонна коронавирус дьаҥыттан, чумааттан көмүскүүр быһыы барыта бу чииптээһин өҥөтүгэр киирэр.