Ыттары маассабай өлөрүү саҕаланна дуо?

Алтынньы саҥата Дьокуускай куорат олохтооҕо, кыыллары көмүскүүр Злата Сычева социальнай ситим инстаграм сирэйигэр промышленнай уокурукка ыттары маассабайдык өлөрөн эрэллэр диэн айманан суруйбута.

Бүгүн, алтынньы 17  күнүгэр, Дьокуускайга ДСК оройуонугар моойторуктаах ыт өлүгүн социальнай ситимҥэ таһаарбыттар. Массыынанан тиэллэ сылдьан дротигынан ытан ыттары өлөртүүллэр диэн уорбалаабыттар, сурахха сигэммиттэр. Кыыллары, чуолаан ыттары көмүскүүр Злата Сычеваҕа сибээскэ таҕыстым. Таарыйа оҕо күүтэр ыт көрүүтэ-истиитэ суох мин оройуоммар сылдьарын эмиэ эттим.
Злата Сычева:
— Ыттары өлөрүү биирдиилээн түгэннэрэ тахсыталаабыта. Даача сезона бүтэн, дьон эмиэ ытынан ыскайданан эрдэҕэ. Биир кэлим диспетчерскэй сулууспаҕа эрийэн ханнык оройуоҥҥа бэйдиэ ыттар сылдьалларын туһунан сайаапката түһэриҥ. Ыты моойторуктаах, моойторуга суох диэн араарбакка тутан илдьиэхтээхтэр. Куһаҕан хаһаайынтан сылтаан ыт бэйдиэ барара иэдээҥҥэ тиэрдэр. Оттон төрөөрү сылдьар ийэ ыт туһунан эттэххэ, суһаллык сайаапката түһэриҥ. Кэлэн тутуохтаахтар уонна ыраастаан, чииптээн баран ыты быстах кэмҥэ тутар пууҥҥа көрүөхтээхтэр.
Биир кэлим диспетчерскэй сулууспа нүөмэрэ 44-42-29