Ульяна Захарова хаартыскаҕа түһэриитэ
Ил Тумэн пленарнай мунньаҕар ыты иитэр туһунан сокуону ылыннылар. Сокуон ыттары иитэргэ хааччахтары киллэрэр, бэйдиэ сылдьар ыттары уопсастыбаннай сирдэргэ аһатары бобор. Бу туһунан Тыа сирин, аграрнай бэлиитикэҕэ бастайааннай кэмитиэтин бэрэссэдээтэлэ Александр Атласов кэпсээтэ.
Дьокутааттар тыа хаһаайыстыбатыгар сыһыаннаах биэс боппуруоһу көрдүлэр, онтон үс боппуруоһу бүтэһик ааҕыыга бигэргэттилэр диэн ЯСИА суруйар.
Ылыллыбыт докумуоннартан биирдэстэринэн ыттары регистрациялыыр туһунан эрэгийиэннээҕи сокуон буолла.
«Арассыыйа Федерациятын таһымыгар итинник сокуон суох, эрэгийиэннээҕини ылынныбыт. Бу сокуон гражданнартан ыттарын регистрациялыырын ирдиир. Ол күүһүгэр киирбитин кэннэ, бары хаһаайыттар 30 күн иһигэр ыттарын регистрациялыыллара ирдэниэҕэ», — диэтэ Атласов.
Дьиэ кыылын эппиэтинэстээхтик бас билии туһунан сокуоҥҥа эмиэ уларытыылар киирдилэр, бэйдиэ сылдьар ыттары уопсастыбаннай миэстэҕэ аһатыы бобуллар. «Бу быраабылалары гражданнар ортолоругар эппиэтинэһи иитиигэ ылыммыппыт», — диэн бэлиэтээтэ.
«Былырыын федеральнай сокуон ылыллан, онно сөп түбэһиннэрэн, тыа хаһаайыстыбатын сайдыытын туһунан фундаментальнай сокуоҥҥа уларытыылары киллэрбиппит. Бу пууннар биһиги тыа хаһаайыстыбатын бородууксуйатын оҥорооччуларбытын уонна оҥорон таһаарааччыларбытын өйүөхтэрэ. Тиэхиньикэни уонна эбийиэктэри саҥардыыга субсидия уонна судаарыстыба өйөбүлэ көрүллүөҕэ», — диир Александр Атласов.
«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр. Ахсынньы…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…
Киин куоракка Аҕа дойду Дьоруойдарын күнүн көрсө, байыаннай дьайыы бэтэрээннэригэр уонна кыттыылаахтарыгар аналлаах III Өрөспүүбүлүкэтээҕи…