Ыты иитэр хаһаайын тугу билиэхтээҕий?

Чурапчы нэһилиэгэр дьиэ кыылын сөптөөхтүк көрүүнү-харайыыны  бэрэбиэркэлиир сыаллаах  рейдэ буолла. Рейдэҕэ СӨ бэтэринээрийэ департаменын Чурапчытааҕы салаатын иниспиэктэрэ уонна ИДьМ Чурапчытааҕы салаатын бэрэстэбиитэллэрэ сырыттылар.

Дьиэ кыылын иитэр хаһаайыттар санитарнай-бэтэринээринэй нуорманы тутуһуохтаахтар. Дьоҥҥо кутталынан суоһаабатын диэн хаһаайыттар  ыттарын баайыахтаахтар. Күүлэйдэтэр да буоллахтарына, анал сирдэргэ моойторуктаах, томторуктаах сырытыннарыахтаахтар.  Кэмиттэн-кэмигэр ииримтийииттэн быһыы ылалларын ситиһиэхтээх. Бэлиэтээн суруйдахха, маннык рейдэлэр хас улуус ахсын уонна Дьокуускай куоракка эмиэ ыытыллыахтаахтар. Бэйдиэ сылдьар ыт кыһалҕата дьон олоҕун уустугурдуо суохтаах.