Ыты күүлэйдэтэр үлэ

Санкт-Петербурга түмэл устун робот-ыты күүлэйдэтэр үлэҕэ ыҥырбыттар.

Хамнаһа ыйга 100 тыһ. солк. үһү. Ирдэбилэ – биир сыл үлэлээбит уопуттаах буолуохтаах диэн эбит.

Күүлэйдэтэри таһынан робот ыты дьоҥҥо көрдөрүөхтээх, трюктары оҥорторуохтаах, онно-манна киирэн кыбыллыбатын кэтии сылдьыахтаах, хайдах үлэлиирин кэпсиэхтээх диэн быһаарбыттар.

Үлэ биэрээччи роботтартан куттаммат уонна технологиялары сөбүлүүр дьону көрдөөбүт. Онтон атыныгар үөрэтиэхпит диэбиттэр.

Эбиитин үлэ кыраапыга “гибкэй”, үлэҕэ официальнайдык ылаллар диэн spb.kp.ru иһитиннэрбит.