Үтүө аахсыйа: учууталга — уопсай сибэкки дьөрбөтө

«Харысхал» үтүө дьыала пуондата саҥа үөрэх дьыла саҕаланыытыгар анаан сыл аайы ыытыллар «Эн илиигэр үтүө санаа» аахсыйаны саҕалыырын туһунан иһитиннэрэр.

Бу көҕүлээһин  оскуола оҕолоро учууталларга анаан элбэх сибэкки дьөрбөтүн атыылаһар оннугар, биир уопсай сибэккини биэрэллэр уонна мунньуллубут харчыны доруобуйаларынан хааччахтаах оҕолорго көмөлөһөллөрүгэр анаан ыытыллар.

«Харысхал» пуонда өрөспүүбүлүкэ оскуоларын оҕолорун бу аахсыйаҕа  кыттарга ыҥырар.   Тэрээһин сүрүн  соруга — өйөбүлгэ наадыйар оҕолор олохторун хаачыстыбатын тупсарыы. «Эн илиигэр үтүө санаа» аахсыйа 2017 сылтан ыытыллан, бу кэм устата үтүө үгэскэ кубулуйда. Ол көмөтүнэн сүүсчэкэ ыал биллэр-көстөр көмөнү уонна өйөбүлү ылла. 2025 сылга кыттыы үс ньымата көрүллэр: «Стартер» — 9000 солкуобайга диэри; «Сүрүн (основной)» — 9000-15000 солкуобай; «Максимум» — 15000 солкуобайтан тахса.

Сиһилии https://www.sakha.gov.ru/news/10742 сигэнэн билсиҥ.