Хаартыскаҕа С.Жендринскэй түһэриитэ
Бэҕэһээ, кулун тутар 25 күнүгэр, биир дойдулаахпыт, биллиилээх политическай, судаарыстыбаннай диэйэтэл Иван Николаевич Винокуров төрөөбүтэ 130 сылын туолла. Кини 1893 сыллаахха Арыылаах нэһилиэгэр төрөөбүтэ. Дьокуускайдааҕы духуобунай семинарияны, Казаннааҕы университеты үөрэнэн бүтэрбитэ.
Саха Өрөспүүбүлүкэтин төрүттээһиҥҥэ, үүнэн-сайдан тахсыытыгар элбэх үлэни ыытыспыта. Ол курдук Саха Автономнай Сэбиэскэй Социалистическай Республикатын Совнаркомун бэрэссэдээтэлинэн, Үөрэх уонна доруобуйа харыстабылын наркомунан, САССР эргиэнин уонна бырамыысыланнаһын наркомунан, уо.д.а. үлэлээбитэ. Репрессияҕа түбэһэн үлэтэ, үтүө аата барыта сотуллубута, умнуллубута.
Политическай репрессияҕа түбэспиттэр ааттарын тилиннэрии кэнниттэн И.Н.Винокуров аатын-суолун, үлэтин норуотугар биллэриигэ, үйэтитиигэ биир дойдулаахтара элбэх үлэни ыыталлар. Элбэх ыстатыйалар өрөспүүбүлүкэ бэчээтигэр таһаарылыннылар, телевидениенан, араадьыйанан анал биэриилэр тэрилиннилэр, кинигэлэр таҕыстылар, пааматынньык туруорулунна.
Үбүлүөйдээх сылыгар анал хамыыһыйа тэриллэн былааннаах үлэни ыытар. Ытык киһи төрөөбүт күнүгэр, улуус оскуолаларыгар анал линейкалар, уруоктар ыытылыннылар. Тэрийэр хамыыһыйа мунньаҕар үйэтитиигэ ханнык үлэлэр барыахтаахтара чопчуланна.
Иван Николаевич Винокуров пааматынньыгар кини чиэһигэр анаммыт миитин буолла. Улуус баһылыга Степан Саргыдаев, үйэтитии үлэтин сүрүннэһээччилэр Михаил Друзьянов, Любовь Григорьева тыл эттилэр.
Иван Николаевич Винокуровка сүгүрүйүү бэлиэтинэн кини пааматынньыгар сибэкки дьөрбөтүн уурдулар.
Алексей Слепцов,
Чурапчы.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…