Ил Дархан, бырабыыталыстыба пресс-сулууспата.
Саха сиригэр «Моя Якутия в XXI веке» өрөспүүбүлүкэтээҕи үтүө дьыала хамсааһына тэриллибитэ 25 сылын туолла. Бу хамсааһын чэрчитинэн, социальнай эбийиэктэри тутуу, өрөмүөннээһин үлэтэ салҕанар.
Бу бырагыраама көмөтүнэн 50-ҥа диэри миэстэлээх уһуйааннар, 60-ҥа диэри миэстэлээх оскуолалар, 70-ҥа диэри миэстэлээх оскуола-оҕо уһуйааннара, спортивнай, култуура эбийиэктэрэ, элбэх дьайыылаах комплекстар, биэлсэр-акушер пууннара, амбулаториялар тутуллаллар.
Маны тэҥэ, эдэр исписэлиистэргэ, учууталларга, миэдиктэргэ уонна баһаартан эмсэҕэлээбит дьоҥҥо аналлаах дьиэлэр тутуллаллар, Арктика оройуоннарыгар эдэр үлэһиттэргэ олорор усулуобуйа тэриллэр. Ипподромнары өрөмүөннээһин ыытыллар.
«Моя Якутия в XXI веке» хамсааһын 1999 сыллаахха Мэҥэ Хаҥалас улууһугар саҕаламмыта. Олохтоохтор уонна бастакы бэрэсидьиэн Михаил Николаев көҕүлээһиннэринэн, «2000 үтүө дьыала» хамсааһынтан барыта саҕаламмыта. Норуот көҕүлээһининэн, олохтоохтор уонна судаарыстыба кыттыгас күүстэринэн, тыа сиригэр социальнай эбийиэктэри туталлара. 2000 сылга барыта 300-чэ эбийиэк тутуллубута уонна өрөмүөннэммитэ.
Бырайыак бастакы сылыгар көдьүүстээҕин көрдөрөн, 2001 сылга саҥа таһымҥа тахсыбыта, «Моя Якутия в XXI веке» диэн ааттаммыта. 2020 сылтан хамсааһын «Тыа сирин кэлимник сайыннарыы» судаарыстыбаннай бырагыраамаҕа киллэриллибитэ.
2000-2024 сылларга барыта 1202 эбийиэк тутулунна, ол иһигэр: 129 уһуйаан, 42 оскуола, 15 оскуола-саад, 109 үөрэҕирии эбийиэгэ, 189 спортивнай эбийиэк, 279 култуура тэрилтэтэ, 81 доруобуйа харыстабылын эбийиэгэ, 211 хапытаалынайа суох тутуу уонна эдэр исписэлиистэргэ 147 дьиэ.
Ил Дархан, бырабыыталыстыба пресс-сулууспата.
Биллэр суруналыыс, суруйааччы, "Көмүөл" кинигэ кыһатын салайааччыта, “Кэм” сурунаал сүрүн эрэдээктэрэ Борис Павлов-Кэм 65 сааһан…
Бүгүҥҥүттэн, сэтинньи 15 күнүттэн, Дьокуускайга Комсомольскай болуоссакка "Идэһэ" дьаарбаҥка саҕаланна. Атыылаһааччылар ынах, убаһа этин, балык…
Дьааҥы оройуонун полициятын дьуһуурунай чааһыгар олохтоох киһи массыынатын уорбуттарын туһунан иһитиннэрбит. Кини киэһэ элбэх кыбартыыралаах…
Бүгүн, сэтинньи 15 күнүгэр, Ил Дархан Айсен Николаев Мииринэй оройуонугар үлэлиир. Манна кини оройуон 2030…
Уус Маайа оройуонун 30 саастаах олохтооҕо сиртэн хостонор баайы сокуоннайа суохтук эргинэн сууттанна. ИДьМ Медиа…
Анал байыаннай дьайыы саҕаланыаҕыттан, байыаннай сулууспалаахтар ийэлэрэ социальнай ситимҥэ бөлөх тэрийэн, түмсүбүттэрэ. Манна бары улуустартан…