Хаартыска: Женни Стрюкова түһэриитэ.
Дьокуускайга Норуоттар доҕордоһууларын болуоссатыгар өрөспүүбүлүкэ Доруобуйа харыстабылын министиэристибэтин уонна “1 №-дээх поликлиника” тэрийиилэринэн “Үтүө киэһэнэн, луохтуур” аахсыйа ыытылла турар. Күн аайы киэһэ 18.00 чаастан 22:00 диэри манна дьон бөҕө доруобуйаларын көрдөрүнэ кэлэр эбит.
Холобура, бэҕэһээ кыра ардаҕы аахсыбакка, эмиэ уочарат этэ. Манна анкета толорон бараҥҥын, терапевтарга көрдөрөҕүн. Салгыы саахаргын, холестериҥҥын быһаараллар. Онтон “Доруобуйа” национальнай бырайыак диэн суруктаах фургоҥҥа киирэн ЭКГ уһултараҕын, тымыртан хааныҥ анаалыһын биэрэҕин. Дьахталлар гинекологка көрдөрөллөр.
Син уочараттаах курдугун да иһин, уочарат түргэнник хамсыыр. Арай, күһүҥҥү халлаан тымныйан иһэринэн, быраастарга уонна сиэстэрэлэргэ таһырдьа өр олоруу ыарахан соҕус буолууһу быһыылаах. Куорат олохтоохторо бу аахсыйаны олус сэргээбиттэр. Балыыһаҕа тиийэн уочаракка олорордооҕор ордук дэһэллэр. Иһиттэххэ, саахардара, холестериннара үрдээбит дьон элбэх.
Онон балаҕан ыйын 15 күнүгэр диэри доруобуйаҕыт туругун бэрэбиэркэлэтиҥ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…