Хаартыска: Чэмэлиинэ Скрябина тиксэриитэ.
Саха сиригэр Аҕам саастаах дьон аан дойдутааҕы күннэригэр аналлаах декада алтынньы 1-10 күннэригэр ыытылла турар. Пригороднай бөһ. Дьахталларын сэбиэтэ «Үтүө санаа дьааһыга” аахсыйаны салҕаан ыытар.
Биһиги «Үтүө санаа дьааһыктарбыт» манна бааллар:
“Мясной” маҕаһыын, Лермонтов уул. 23а;
“Норма” маҕаһыын, Покровскай тракт, 4 км, дьиэ 8;
“Лювези” маҕаһыын, Покровскай тракт, 7 км, 1а.
Бүгүн биһиги Пригороднай бөһүөлэгин бэтэрээнигэр, 83 саастаах Галина Семеновна Вастьяноваҕа астаах-үөллээх биир дьааһыгы туттардыбыт. Кини үйэтин тухары “Хатас” сопхуоска ыанньыксытынан, сайынын тэпилииссэҕэ, эдэр сүөһүнү улаатыннарыыга үлэлээбитэ. Ыанньыксыт үлэтэ эппиэтинэстээх, ыарахан. Санаан көрүҥ эрэ, 20 ынахха ыарахан сиилэһи илиилэринэн таһан аһаталлара.
“Ынаҕы илиинэн, күҥҥэ үстэ ыахха наада этэ. Чэпчэкитэ суох да буоллар, интэриэһинэй этэ», — диэн Галина Семеновна ол ыарахан кэмнэри санаан-ахтан ааһар.
Биһиги «Үтүө санаа дьааһыгар» көмөнү оҥорор хас биирдии киһиэхэ ис сүрэхтэн махтанабыт. Маннык кырачаан үтүө дьайыылар аан дойдуну уларытыахтарын сөп дии саныыбыт. Махтанар дьон мичээрдэрин көрүү – ис дууһаҕын сылаанньытар наҕарааданан буолар. Кинилэр үөрүүлэрэ биһигини кынаттыыр, иннибит диэки барарбытыгар күүс-уох биэрэр.
“Мясной” маҕаһыын сэбиэдиссэйэ Пелагея Жирковаҕа, үлэһиттэригэр Надеждаҕа, Саргыланаҕа уонна Бориска биһиги хамсааһыммытын өйөөбүттэрин иһин барҕа махталбытын тиэрдэбит.
Оттон биһиги Айаммыт салҕанар, наадыйар дьоҥҥо көмөлөһөрдүү саҥа аахсыйалардаах, тэрээһиннэрдээх өссө да кэлиэхпит.
Чэмэлиинэ Скрябина.
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…