“Үтүө санаа, эйэ уонна чэчирии сайдыы туһугар”

Саргылана Игнатьева Владимир Путины өйөөн илии баттаата.

Арктикатааҕы култуура уонна ускуустуба судаарыстыбаннай институтун ректора Саргылана Игнатьева бүгүн Владимир Путины өйүүргэ илии батааһыны хомуйар пууҥҥа кэлэн гражданин быһыытынан ытык иэһин толордо – судаарыстыба билиҥҥи баһылыгын туһугар илии баттаата.

Илии баттааһыны тэрийэр икки волонтер бүгүн тохтобула суох үлэлииллэр. Владимир Путины өйөөн, илии баттыырга – киһи бөҕөтө. Куорат көннөрү олохтоохторо уонна биллэр дьон бааллар. Ол курдук, Арктикатааҕы култуура уонна ускуустуба судаарыстыбаннай институтун ректора Саргылана Игнатьева биир бастакынан бүгүн Владимир Путины өйөөн, илии баттаата.

“Бэрэсидьиэн ураты болҕомтотун киһи хапытаалын уонна айар хапытаалы сайыннарыыга уурар”, — диэн ректор Саргылана Игнатьева бэлиэтиир. — “Биһиги модун Арассыыйабыт – бу элбэх омуктаах, элбэх конфессиялаах дойду”. Онон норуоттар доҕордоһуулара уонна дойдубут норуоттарын сомоҕолоһуута бу сүрүнүнэн буолар.  Үтүө санаа, эйэ уонна чэчирии сайдыы туһугар туруулаһабыт. Кэнники сылларга судаарыстыбабыт маннык соругу туруорар, ону тэҥэ Арктика уонна Уһук Илин тумус тутуллуутун. Саха сирэ судаарыстыбабыт уонна бэрэсидьиэммит өйөбүлүн ылар. Биһиги университеппытыгар ыччат, оҕолор үөрэнэллэрин олус сөбүлүүллэр, тоҕо диэтэххэ, биһиэхэ сайдарга бары усулуобуйа тэрилиннэ”, — диэн тоҕо илии баттаабытын быһаарар кини.

Санаттахха, Владимир Путины өйөөн илии баттааһыны хомуйар пуун ааспыт нэдиэлэттэн үлэлиир. Маны “Бүтүн Арассыыйатааҕы норуот фронун” ыччат актыыбын көҕүлээһининэн арыйбыттара. ОНФ волонтердара анал бэлэмнэниини барбыттара.  Тустаах пуун “Столица” эргиэн дьиэтин бастакы этээһигэр маннык аадырыска баар: Ленин уул., 16. Күн аайы 10.00 – тан 20.00 диэри үлэлиир. Владимир Путины өйөөн илии баттааччылар пааспардаах кэлиэхтээххит.