«Үтүө санаа харыйата» аахсыйаҕа — Нам улууһа

Саҥа дьыл бырааһынньыгын көрсө бу күннэргэ өрөспүүбүлүкэ үрдүнэн «Үтүө санаа харыйата» аахсыйа  ыытылла турар.

Нам улууһугар сыллата ыытыллар тэрээһиҥҥэ тэрилтэлэр, амарах санаалаах биирдиилээн дьон көмөлөһөллөр. «Оҕолору үөрдэр, дьоллуур аахсыйаҕа кыттыһан улуустааҕы дьокутааттар Сэбиэттэрин бэрэссэдээтэлэ Алексей Винокуров – Партизан,  улуус дьокутаата Николай Игнатьев – Модут,  бааһынай хаһаайыстыбалар уонна кэпэрэтииптэр ассоциациялара (бэрэссэдээтэл Екатерина Стручкова) — Хатырык  оҕолоругар, улуустааҕы  тыа хаһаайыстыбатын управлениетын кэлэктиибэ – 5 оҕолоох Аппааны ыалыгар,  дьокутаат Артур Иванов, “Уйгу-Быйаҥ” ХЭТ, эдэр ийэлэр,  “Компас” дьахтар кулууба,  тимир уустара, урбаанньыттар кииннэрин кэлэктиибэ   минньигэс бэлэхтэрин анаатылар. Үтүө санаалаах дьоммутугар махталбытын тиэрдэбит» — диэн Нам улууһун  пресс-сулууспата иһитиннэрэр.