Хаартыска: sakha.gov.ru
Ил Дархан Айсен Николаев үгэс быһыытынан бүтүн Арассыыйатааҕы «Үтүө санаа харыйата» аахсыйаҕа кытынна. РФ сылы түмүктүүр Судаарыстыбаннай Сэбиэтин мунньаҕын иннинэ кини ахсынньы 20 күнүгэр , харыйа лабаатыттан оҕолор, Саха сириттэн икки уол уонна ДНӨ икки кыыс саҥа дьыллааҕы баҕа санаа суруктарын ылбыта.
«Бу сылга миэхэ Амма улууһуттан сылдьар 15 саастаах уол суруга уонна Ытык Күөлтэн 13 cаастаах Рома, ону сэргэ ДНӨ-ттэн эдьиийдии-балыстыы Милана уонна Мирослава суруктара түббэстэ. Артур хомуска, оттон Рома бэлэсипиэт, биэс саастаах Милана куукула дьиэтигэр, кини балта сюрприз бэлэххэ наадыйалларын суруйбуттар. Сотору кинилэр баҕа санаалара туолуоҕа», — диэн Айсен Николаев эрэннэрдэ.
«Үтүө санаа» харыйатын «Движение первых» диэн оҕолор уонна ыччат хамсааһына тэрийэр. Аахсыйа чэрчитинэн, судаарыстыбаннай тэрилтэлэр, кэммиэрчэскэй тэрилтэлэр, биирдиилээн дьон тулаайах, доруобуйаларынан хааччахтаах, ону сэргэ элбэх оҕолоох уонна байыаннай дьайыы кыттыылаахтарын дьиэ кэргэттэрин оҕолорун баҕа санааларын толороллор.
Бу сылга «Үтүө санаа харыйата» олунньу 28 күнүгэр дылы ыытыллыаҕа. Моруос оҕонньор буолан оҕо баҕа санаатын официальнай сайт нөҥүө сайаапка биэрбит ким баҕарар толоруон сөп.
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…