Бу күннэргэ Саҥа дьылга оҕо аймаҕы үөрдэргэ туһуламмыт араас аһымал аахсыйалар ыытылла тураллар.
Ордук өрөспүүбүлүкэ олохтоохторо сыл аайы ыытыллар оҕо дьиэлэрин иитиллээччилэригэр уонна коррекционнай оскуолалар үөрэнээччилэригэр анаммыт “Үтүө санаа харыйата” тэрээһиҥҥэ көхтөөхтүк кытталлар. Бу аһымал аахсыйа 2015 сыллаахха Ил Дархан Айсен Николаев уонна “Үтүө санаа куората” уопсастыбанай тэрилтэ көҕүлээһиннэринэн аан бастаан тэриллибитэ. 2019 сыллаахха тэрээһин өрөспүүбүлүкэтээҕи статустаммыта.
Бу тэрээһин быйыл анал байыаннай эпэрээсийэ кыттыылаахтарын оҕолоругар эмиэ туһаайылынна. Манна ким баҕалаах бэйэтин баҕа санаатынан оҕолорго бэлэх уунуон сөп.
Ол курдук, аһымал аахсыйа Дьокуускайга «Бубль Гум» (Кальвица уул., 14/5, уонна Дзержинскэй уул. 71), ону тэҥэ Чернышевскай уул. 107/1 аадырыска турар «Хозмаркет» эргиэн киинигэр ыытыллар.
Бу күннэргэ министиэристибэлэр, куорат дьаһалтатын үлэһиттэрэ, оскуолалар дириэктэрдэрэ уонна учууталлара, уһуйааннар иитээччилэрэ, култуура уонна спорт исписэлиистэрэ, эмчиттэр уо.д.а. эйгэ үлэһиттэрэ оҕолор баҕа санааларынан бэлэхтэри “Үтүө санаа” харыйатыгар уураллар. Маннык үтүө бачыымы өрөспүүбүкэ бары улуустара өйөөбүттэрэ. Харыйаҕа оҕо аата баар аккырыыкканы ылан, ол онно этиллибит бэлэҕи атыылаһаҕын. Ким баҕалаах хаартыскаҕа түһэн баран, #Елкадобра хештэги туруорар уонна кини холобурун батыһарга ыҥыран, социальнай ситиминэн тустаах киһиэхэ ыытар.
Хаартыска – СӨ Ил Дарханын уонна бырабыытыластыбатын пресс-сулууспата.
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…