Андрей Сорокин хаартыскаҕа түһэриитэ, СИА
СӨ Ил Дарханын уонна Бырабыыталыстыбатын дьаһалтатын салайааччылара сыл ахсын ыытыллар «Үтүө санаа харыйата» аахсыйаҕа кытталлар.
Саҥа дьыл бырааһынньыга чугаһаабытынан, СӨ Ил Дархан уонна Бырабыыталыстыба дьаһалтатын салайар Георгий Михайлов уонна кини солбуйааччылара Елена Кузнецова, Михаил Гасанбалаев кырачааннарга бэлэх уунарга быһаарыннылар. Өрөспүүбүлүкэтээҕи дьиэ кэргэн иитиитигэр көмөлөһөр киин, 22 №-дээх коррекционнай оскуола уонна 28 №-дээх адаптивнай оскуола-интэринээт иитиллээччилэрин баҕа санааларын толордулар.
«Үтүө санаа харыйата» аахсыйа — бу Саҥа дьылга барыбытын түмэн оҕолору үөрдэргэ анаммыт бэртээхэй үгэс. Хас биирдии оҕо киниэхэ болҕомто, кыһамньылаах сыһыан баарын билиэхтээх«, — диир Георгий Михайлов.
Быйыл бу үтүө санаа аахсыйата ахсынньы 28 күнүгэр диэри ыытыллар. Маннык «Үтүө санаа харыйалара» өрөспүүбүлүкэ бары улуустарыгар туруоруллубуттара. Дьокуускайга бу аахсыйаҕа кыттыан баҕалаахтар Кальвица уонна Дзержинскэй уулуссаларыгар баар «Бубль Гум» маҕаһыыҥҥа тиийиэххитин сөп.
Аахсыйаҕа кыттар киһи тиийэн аккырыыкканы талан ылар уонна онно суруллубут оҕоҕо анаан күүтүүлээх Саҥа дьылынан бэлэх оҥорор. Манна кыттыбыт дьон социальнай ситимнэргэ хаартыскаларын таһаарыахтарын сөп уонна #Елкадобра2024 бэлиэтииллэр. Эстэпиэтэни доҕотторугар, билэр дьонноругар салгыы ыыталлар.
Санатан эттэххэ, маннык аахсыйа аан бастаан 2015 сыллаахха оччолорго Дьокуускай куораты салайан олорор Айсен Николаев уонна «Город добра» уопсастыбаннай организация көҕүлээһиннэринэн тэриллибитэ. 2019 сылтан бу тэрээһин дьон-сэргэ болҕомтотун улаханнык тардан өрөспүүбүлүкэ таһымнаммыта.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…