Хаартыска: Сахагов.ру
Өрөспүүбүлүкэ киин куоратыгар «Үтүө санаа харыйата» аахсыйа саҕаланна. Бу аахсыйаны 2015 сыллаахха Айсен Николаев Дьокуускай куорат баһылыгынан үлэлии сылдьан, тэрийбитэ. Онон быйыл 10 сылын туолла.
Быйыл хамсааһын уон биирис төгүлүн ахсынньы 4 күнүттэн 26 күнүгэр диэри ыытыллыаҕа. Кыттааччы оҕо аата суруллубут аккырыыкканы талар уонна бырааһынньыктааҕы бэлэҕи атыылаһар кыахтаах.
Аахсыйаны тэрийэр «Ыччат лигата» кэммиэрчэскэйэ суох тэрилтэ бу хамсааһыҥҥа дьон интэриэһэ билигин да күүстээҕин бэлиэтиир.
«Сыл аайы элбэх киһи оҕолору өйүүр, Саҥа дьыллааҕы баҕа санааларын олоххо киллэрэр. Оҕолорго бу бэлэх эрэ буолбакка, болҕомто, кыһамньы тиийиитэ буолар», — диир тэрээһини көҕүлээччи.
2026 сылга социальнай тэрилтэлэртэн 2 тыһыынчаттан тахса оҕо бэлэҕи тутан, үөрүөҕэ.
«Биһиги аахсыйаҕа ким баҕарар кыттарын курдук, дьоҥҥо тиийимтиэ оҥорорго кыһаллабыт. Хас биирдии аккырыыккаҕа оҕо баҕа санаата баар уонна бэлэх хайаан да оҕоҕо быһаччы тиэрдиллэр,» диэн «Ыччат лигатын» лиидэрэ тоһоҕолоон бэлиэтээтэ.
Куорат үрдүнэн хас да сиргэ «Үтүө санаа харыйата» туруоруллубут. Аккырыыккалары икки сиртэн: Bubble-Gum маҕаһыынтан (Кальвица уулуссатын 14/5 уонна Дзержинскэй уулуссатын 71 нүөмэриттэн), «Ленские Столбы» универмагтан (ЦУМ, 2 этээс) талыахха сөп. Кыттааччылар аккырыыкканы ылан баран, оҕо баҕатынан бэлэх бэлэмнииллэр, эбии атын ирдэбил суох.
Бэлэхтэри оҕолорго Саҥа дьылы көрсө тиэрдиэхтэрэ. Тэрийээччилэр ааспыт уон сыл устата аахсыйа өрөспүүбүлүкэ олохтоохторун түмэр суолталаах социальнай хамсааһын буолбутун тоһоҕолоон бэлиэтииллэр. «Үтүө санаа харыйата» ахсынньы 26 күнүгэр диэри үлэлиэҕэ.
Сиһилии: https://www.sakha.gov.ru/news/16554
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…