Дьокуускайга сыл ахсын «Үтүө санаа харыйата» аахсыйа тиһиктээхтик ыытыллар. Сэтинньи 23 күнүгэр Дьокуускай куорат баһылыга Евгений Григорьев бу аахсыйаҕа кытынна.
«Үтүө санаа харыйата» аһымал санаа аахсыйа саҕаланна
Быйылгы аахсыйа уратыта диэн, оҕо дьиэлэрин уонна коррекционнай оскуола иитиллээччилэригэр бэлэхтэри оҥорору сэргэ, байыаннай хомуурга барбыт дьон оҕолоругар эмиэ бэлэх уунуоххун сөп, диэн иһитиннэрэр куорат дьаһалтатын пресс-сулууспрата.
«Күүтүүлээх Саҥа дьыл чугаһаата. Мин «Үтүө санаа харыйатыгар» кыттан, икки уолга бэлэх оҥордум«, — диэн этэр Евгений Григорьев.
«Үтүө санаа куората» уопсастыбаннай түмсүү бэрэссэдээтэлэ Галина Коротова бу аахсыйа 2015 сылтан тиһиктээхтик ыытылларын бэлиэтиир.
«Быйыл «Үтүө санаа харыйата» аахсыйаҕа коррекционнай оскуолалартан, оҕо дьиэлэриттэн 1050 оҕо, ону таһынан, байыаннай хомуурга барбыт дьон оҕолоро (2 тыһыынча оҕо) бааллар. Аахсыйа сэтинньи 21 күнүттэн ахсынньы 31 күнүгэр диэри Дьокуускай куорат үс маҕаһыыныгар: «Бубль Гум» Кальвица уул. 14/5, Дзержинскэй уул. 71 уонна Чернышевскай уул. 107/1 нүөмэригэр баар «Хозмаркет» маҕаһыыныгар ыытыллар«, — диэн этэр Галина Коротова.
Оҕолор баҕа санааларын толорор аахсыйаҕа ким баҕарар кыттыан сөп. «Үтүө санаа харыйатыгар» тиийэн оҕо аата суруллубут аккырыыкканы талан ылаҥҥын кини баҕа санаатын толоруоххун сөп.
«Үтүө санаа харыйата» аахсыйа өрөспүүбүлүкэ улуустарыгар эмиэ ыытыллар.
Уус Алдан улууһугар култуура бэтэрээннэрин сэбиэтэ уопсастыбаннай түмсүү (бэрэссэдээтэл А. Е.Федорова) тэрийиитинэн, араас кэмҥэ култуура…
Саха сиригэр ахсынньы 5 күнүгэр ураты бырааһынньык бэлиэтэнэр – өрөспүүбүлүкэтээҕи Оҕо уопсастыбаннай хамсааһынын күнэ. 1992…
Суотту нэһилиэгэр "Кыһын Саха сириттэн саҕаланар" бырайыак чэрчитинэн харыйа уота сандааран тырымныырын көрсө бэртээхэй тэрээһин…
Бу күннэргэ Пригороднай сэлиэнньэ дьаһалтатын салайааччыта Василий Егорович Пинигин өйөбүлүнэн дьахтар сүбэтэ бэйэтэ туспа анал…
Оҕолор уопсастыбаннай хамсааһыннарын күнэ — сылын ахсын Саха Өрөспүүбүлүкэтигэр ахсынньы 5 күнүгэр бэлиэтэнэр. Оҕолор уопсастыбаннай…
Сэтинньи 27 - ахсынньы 1 күннэригэр Краснодар кыраайыгар мас тардыһыыга Арассыыйа чөмпүйэнээтэ ыытылынна. Бу күрэхтэһии…