Хаартыска А.Е.Кулаковскай аатынан норуоттар доҕордоһууларын дьиэтин пресс-сулууспатын тиксэриитэ
Дьокуускайга А.Е.Кулаковскай аатынан Норуоттар доҕордоһууларын дьиэтигэр байыастары уонна доброволецтары өйүүр сыаллаах аахсыйа ураты сэргэхтик ыытыллыбыта.
«Мы вместе» диэн үтүө санаа кэнсиэригэр Москваттан кэлбит уонна олохтоох музыканнар кыттыыны ылбыттара хайҕаллаах. Маныаха бу тэрээһин олус табыллыбыта, сүргэни көтөхпүтэ бэлиэтэнэр. Сценаттан төрөөбүт дойдуга истиҥ таптал туһунан ырыалар көрөөччүлэр ытыстарын тыаһынан доҕуһуолланан, дьон улаханнык астыммыта бэлиэтэнэр. Бу күн дьон-сэргэ Екатерина уонна Алексей Егоровтар, Өркөн, Харыхсан, Валерия Миронова, Сергей Архипов, Артем Евмененко, Стас Лешкевич бөлөҕүн, «Туймаада» ансаамбыл ырыаларын дохсун ытыс тыаһынан арыаллаатылар, ырыаны-тойугу астына, дуоһуйа иһиттилэр.
«Уопсастыбаннай кэлэктииптэр, биирдиилээн дьон бука бары байыастарга көмөлөһөргө кыһаллаллар. Маннык тэрээһиннэр уопсай дьыалаҕа бэйэлэрин кылааттарын киллэрсэллэр», — диэн дьокутаат Валерий Лютай санаатын үллэстэр.
Кэнсиэргэ киирбит үбүнэн-харчынан байыаннай сулууспалаахтарга наадалаах мал-сал, эмп-томп атыылаһан ыытыахтара. Аахсыйа РФ Бэрэсидьиэнигэр СӨ Бастайааннай бэрэстэбиитэлистибэтин, СӨ Тас сибээскэ уонна норуоттар дьыалаларыгар министиэристибэтин, СӨ Култуура министиэристибэтин, А.Е.Кулаковскай аатынан норуоттар доҕордоһууларын дьиэтин өйөбүллэринэн ыытыллыбытын бэлиэтиир тоҕоостоох.
А.Е.Кулаковскай аатынан норуоттар доҕордоһууларын дьиэтин пресс-сулууспата
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…