Хаартыска: Чэмэлиинэ Скрябина тиксэриитэ.
Биһиги уопсастыбаннай түмсүүбүт байыаннай дьайыы байыастарыгар таҥаһы тигииттэн саҕаламмыта.
Кыргыттар дьиэ-уот, үлэ-хамнас быыһыгар бириэмэ булан, Пригород сэлиэнньэтин култуура дьиэтигэр мустан көхтөөхтүк үлэлии сылдьаллар.
Бу сырыыга сайыҥҥы панамкалары, бааһырдахтарына туттуллар анал сыттыктары, саа уоһун киртэн харыстыыр чехоллары (хахтары) уонна мал угар үрүссээктэри (вещмешок) тигэн саҕалаатылар. Хас биирдии тигэр таҥастарыгар ийэ алгыһын, дьиэ сылааһын иҥэрэллэр.
Матырыйаал атыылаһарга үбүнэн көмөлөспүт урбаанньыт Виталий Разлугоҕа, Аҕалар сүбэлэрин бэрэссэдээтэлигэр Ньургун Тихоновка уонна иискэ үөрэтэр «Якутия с тобой» штаб салайааччытыгар Анна Ефремоваҕа, маастардарыгар Ньургуйаана Готовцеваҕа, Дария Яковлеваҕа махтаналлар.
Ону таһынан «Мясной» (Лермонтов уул. 23а), «Лювези» (Покровскай шоссе) уонна «Норма» маҕаһыыннарга «Үтүө санаа дьааһыктара» тураллар. Көмөлөһүөн баҕалаах дьону кыттыһаргытыгар ыҥырабыт. Кыра да буоллар көмө — улахан үтүө дьыалаҕа тиэрдэр.
Эйэлээх олох туһугар хас биирдии киһи бэйэтин үтүө дьыалатын оҥордоҕуна — кыайыы чугаһыаҕа!
📞 Сибээскэ: 8-999-174-37-56 (кыттыһыан баҕалаахтар эбэтэр сүбэ-ама биэрэр дьон манна суруйуоххутун сөп).
Чэмэлиинэ Скрябина.
Саха сиригэр дьарыктаах буолуу сулууспатынан сыл саҕаланыаҕыттан байыаннай дьайыы 25 кыттыылааҕа уонна кинилэр дьиэ кэргэттэриттэн…
Байыаннай дьайыы бэтэрээнэ Айтал Дьячковскай Чурапчы улууһугар Сылаҥҥа 5 №-дээх муниципальнай баһаарынай чааска үлэлиир. Бу…
Бөөлүүн Бүлүү улууһун Үгүлээт нэһилиэгэр хотон умайбытын туһунан хобдох сонун кэллэ. -- Бөөлүүн быһа холуйан,…
Өрөспүүбүлүкэ Борокуратуурата сокуоннай саастарын ситэ илик икки кыыска сыһыаннаах холуобунай дьыаланан буруйдуур түмүктээһини бигэргэттэ. Кинилэр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Таатта улууһугар Игидэй нэһилиэгэр биһиги биир дойдулаахпыт, оҕобут тэҥэ саныыр күндү кыыспыт Сардаана Попова дириэктэрдээх…