Хаартыска: үлэ, социальнай сайдыы министиэристибэтэ.
От ыйын 25 күнүгэр Өрөспүүбүлүкэтээҕи инбэлиит оҕолор реабилитационнай кииннэрэ ураты ыалдьыттары көрүстэ: «Берегиня» Дьиэ кэргэн иитиитигэр көмөлөһөр киин эдэр волонтердарын «Үтүө санаа оптуобуһа» кинилэргэ ыалдьыттаата.
«Виктория» сайыҥҥы лааҕырга сынньана сылдьар саамай көхтөөх, талааннаах сүүрбэччэ оҕо реабилитацияны ааһар оҕолорго умнуллубат бырагырааманы бэлэмнээтилэр. Эдэр волонтердар «Айылҕаны харыстааҥ» диэн театрализованнай испэктээкили көрдөрдүлэр, ырыа, үҥкүү нүөмэрдэрин толорон, көрөөччүлэргэ үөрүүнү-көтүүнү бэлэхтээтилэрр.
Кэнсиэр кэнниттэн оҕолор уоттаах-күөстээх флешмоб көрдөрдүлэр, эрчимнээх оонньуулары оонньоттулар. Доҕордоһууга уонна үтүө санааҕа хааччах суоҕун көрдөрдүлэр.
Бу тэрээһин ыарахан балаһыанньаҕа түбэспит оҕолору өйүүр пуонда тэрийэр XIV Бүтүн Арассыыйатааҕы «Волонтердар – оҕолорго» аахсыйатын чэрчитинэн ыытылынна. Аахсыйа сыала-соруга – оҕолору волонтерскай үлэҕэ кытыннарыы уонна көмөҕө наадыйар биир саастыылаахтарын өйүүргэ туһуламмыт оҕо көҕүлээһиннэрин олоххо киллэрии. «Оҕо — оҕоҕо» диэн волонтерскай бырайыак бу хамсааһын чаҕылхай холобурунан буолла.
Эдэр волонтердар истиҥ көрсүһүүттэн долгуйдулар уонна кинилэр хамсааһыннара ураты оҕолорго төһө суолталааҕын көрдүлэр. Реабилитационнай киин оҕолоро үтүө санааттан уонна сырдык иэйииттэн санаалара көтөҕүлүннэ, бу кинилэргэ реабилитация хаамыытыгар көмөлөһөрө саарбаҕа суох.
Сиһилии: https://mintrud.sakha.gov.ru/news/8957
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…