Хаартыска видеоттан скриннэннэ
Чурапчы улууһугар Аҕам саастаах дьон күннэрин чэрчитинэн аадырыстаах көмө аахсыйата бара турар. Бу туһунан Чурапчы улууһун дьаһалтата иһитиннэрэр.
Улуустааҕы нэһилиэнньэ социальнай харыстабылын управлениетын салайааччыта Лидия Тосукаева көрүүгэ-истиигэ сылдьар дьоҥҥо оҕуруот аһын хомуйуу көҕүлээһинин «Сайдыы» фермерскэй хаһаайыстыба баһылыга Данил Павлов тутатына өйөөтө. Кини босхо 26 куулу, ол эбэтэр туоннаттан тахса сибиэһэй хортуоппуйу биэрдэ! Маннык улахан көмөнү фермер үтүө санаалаах уонна социальнай эппиэтинэстээх буолан оҥордо.
Оттон көмөҕө наадыйар дьоҥҥо тиэрдэргэ волонтердар көмөлөстүлэр. Социальнай харыстабыл управлениетыгар волонтердар – Чурапчы аграрнай-техническэй кэллиэһин устудьуоннара – кэлэн көмөлөстүлэр. Уолаттар хортуоппуйу тиэйиигэ уонна тиэрдиигэ көхтөөхтүк көмөлөстүлэр, хамаанданан дьиҥнээх волонтерскай үлэни көрдөрдүлэр. Бу бырайыак – уопсай күүһүнэн үтүө дьыаланы, көмөнү оҥоруохха сөбүн көрдөрөр.
«Бу аахсыйаҕа кыттыспыт бары дьоҥҥо махталбытын тириэдэбит! Ураты махталбытын Данил Данилович Павловка – үтүө санаа холобурун көрдөрбүтүн иһин тиэрдиэхпитин баҕарабыт. Чурапчы аграрнай-техническэй кэллиэһин устудьуоннарыгар-волонтердарга – күүстээх көмөлөрүн уонна кинилэр салайааччыларыгар куруук бииргэ үлэлииллэрин иһин махтанабыт!», — диэн улуустааҕы нэһилиэнньэ социальнай харыстабылын управлениетын салайааччыта махталын этэр.
Бүгүн Экология министиэристибэтин үлэһиттэригэр Дьокуускай куорат олохтооҕо Ш.М. Нигматов сибээскэ тахсан, ГРЭС территориятыгар Өлүөнэ өрүскэ …
Бэҕэһээ Үөһээ Бүлүү сэлиэнньэтигэр Саха Өрөспүүбүлүкэтин Судаарыстыбаннаһын күнүгэр анаммыт “Күөх Чэппиэр” өрөспүүбүлүкэтээҕи экологическай аахсыйа чэрчитинэн…
Дьокуускай куорат гражданскай оборуонаҕа, нэһилиэнньэни, сири-уоту көмүскээһиҥҥэ, баһаартан куттала суох буолууга управлениета элбэх оҕолоох уонна…
Хаҥалас оройуонугар быраатын өлөрбүт эр киһи сууттанна. Бу туһунан СӨ Борокуратуурата иһитиннэрдэ. 2025 сыл ыам…
Улуу Кыайыы үбүлүөйдээх сылын чэрчитинэн Кэбээйи нэһилиэгэр үлэ дьонун аатын үйэтитэр эмиэ биир өйдөбүнньүк бэлиэ…
Дьокуускайга "Ас-үөл" тыа хаһаайыстыбатын быыстапка-дьаарбаҥката үһүс күнүн ыытылла турар. Саха сирин тыатын хаһаайыстыбатын тэрилтэлэрин, кэтэх…