Үтүө санаалаах ини-бии Ивановтар

Волонтер диэн бэйэтин баҕа санаатынан, дьоҥҥо көмөнү, туһаны оҥорор киһи.

Биһиги Куокуйбутугар ини-бии Давид, Геннадий Ивановтар бэйэлэрин үтүө, ыраас санааларынан сылын аайы нэһилиэк аҕам саастаах дьонугар,  байыаннай дьайыыга сылдьар уолаттар дьиэ кэргэттэригэр, соҕотох ийэлэргэ, соҕотох олорор кырдьаҕастарга, инбэлииттэргэ күһүнүн муус киллэрэллэр, сааһыары кырыыһаттан хаар түһэрэллэр, тэлгэһэ хаарын күрдьэллэр, сайынын Күөх Боллох бэристэҕинэ балыгынан күндүлээн үөрдэллэр. Кинилэри норуот бэйэтэ «Үтүө санаа волонтердара” диэн ааттаабыта. Уолаттарбыт элэккэй санаалара, аһыныгас майгылара, үтүө дьыалалара салҕана турар, уопсастыбаҕа көмөлөһөллөрө үөрдэр эрэ. Бу үлэлэрэ сыаналанан, Давидтаах Геннадий аны туран Саха Өрөспүүбүлүкэтин үрүҥ көмүс волонтердарын кэккэтигэр киирдилэр.

Ол курдук, уолаттарбыт Аҕам саастаахтар күннэрин чэрчитинэн олохтоох дьаһалта аахсыйатыгар кыттыһан, аҕам саастаахтарга, байыаннай дьайыыга сылдьар уолаттарга таҥас иистэнэр «Надежда» түмсүүгэ муус киллэрбиттэрэ.

Киһи үтүөнү оҥордоҕуна, онтуката бэйэтигэр сүүс төгүл эргиллэн кэлэр. Уолаттар  үтүө дьыалара салҕана турдун, үтүө санаалара саппаҕырбатын!

Полина Жергина,

Куокуй, Кэбээйи улууһа.