… Үтүө тылынан эмиэ эмтиирэ

“Саха сириттэн кутурҕаннаах сонун кэллэ. Алтынньы 28 күнүгэр Георгий Петрович Упхолов олохтон туораата…

Үөһээттэн айдарыллан кэлбит  онколог-хирург, олус сырдык, ис киирбэх, амарах  санаалаах уонна үтүө майгылаах быраас. Кини Саха сирин онкологиятын сулууспата сайдарыгар тугунан да сыаналаммат кылааттаах.

Георгий Петрович куруук эбии  үөрэнэн тахсара, аныгы ньымалары баһылыыра, ол түмүгэр элбэх эмтэнээччи олоҕун уһаппыта. Ювелир маастарыстыбатын  эрэ буолбакка, эт-хаан өттүнэн тулууру эрэйэр тыһыынчанан ахсааннаах хас да чаастаах, уустук эпэрээссийэлэри оҥорбута. Талааннаах хирург скальпелынан эрэ буолбакка, үтүө тылынан, эрэннэрэр көрүүтүнэн эмтиирэ, эмтэнии ситиһиилээх буоларыгар уонна бу уодаһыннаах ыарыыны утары охсуһарга көҕүлүүрэ.

Георгий Петрович аймахтарыгар уонна чугас дьонноругар, кини үөрэнээччилэригэр, биһиги өрөспүүбүлүкэбит мэдиссиинэтин уопсастыбатыгар, кинини убаастыыр, сыаналыыр дьоҥҥо барыларыгар дириҥ кутурҕаммын биллэрэбин”, — диэн РФ Судаарыстыбаннай Думатын дьокутаата Галина Данчикова биллэрдэ.