Хаартыска М.Бочкарева тиксэриитэ
Бээдигэ үтүө үгэс олохсуйбут сирэ. Кыратык ыраахтан саҕалаатахха маннык.
Саха оҕото сааны адьаһын кыра эрдэҕиттэн сүгэр. Холобур биир бэйэм аҕам 16 калибрдаах доруоп саатын 5 кылааска үөрэнэр сылбар соспутум. Санныбар сүктэхпинэ прикладынан сиргэ соһуллара, тимир ботуруоннары иитэн биэрэллэрэ. Саннын астарыа диэн сэрэнэн буораҕын уонна доробуонньугун нуорматын аҥаарын эрэ аччатан иитэллэрэ. Миигиттэн биир сыл аҕа таабарыспынаан Жирков Петялыын өрөбүллэргэ түбэһиннэрэн кустуу барарбыт. Үчүгэй кэмнэр этилэр.
Ол курдук көлүөнэттэн көлүөнэҕэ бэриллэн кэлбит саха норуотун үтүө үгэһэ биһиги бээдибитигэр чөл хааллаҕа. Оччоттон баччаҕа диэри бөһүөлэк дьоно бултуйдахтарына ыалларынан сылдьан кэһии оҥостон түҥэтэллэр. Ол үгэстэрэ атыттарга үтүө холобур буолуохтун. Ол курдук, бу Ньукуолуну көрсө бөһүөлэк куска бултуйбут эр дьонноро сүбэлэһэн бараннар ыалларынан кэрийэн бултаабат дьоҥҥо куста амсайыҥ диэннэр, кустарын түҥэттилэр. Бултаабат өттө бэлэм дьиэлэригэр кэлэн биэрбит кэһиилээх булчуттарга махталлара улахан.
Бээдигэ булт диэн баран муннукка ытаабыт киһи элбэх. Онон үтүө үгэс үйэлэргэ суолтата сүппэт уонна атыттарга холобур буола туруо диэнинэн бу кыракый суруйуубун түмүктүүбүн.
Иван Сивцев — Бээди.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…