Хаартыска Нам улууһун пресс-сулууспатыттан
Бүгүн, Нам улууһун биир киэн туттар киһитэ, 1979-1988 сс. Норуот дьокутааттарын оройуоннааҕы сэбиэтин исполкомун бэрэссэдээтэлинэн үлэлээбит Василий Никифорович Жирков төрөөбүтэ 85 сылын туолла.
Василий Жирков Нам улууһун социальнай-экономическай сайдыытыгар сыратын-сылбатын ууран туран сүдү кылаатын киллэрбит киһинэн буолар. Намҥа көһөн кэлиэн иннинэ Миниистирдэр сэбиэттэригэр көмөлөһөөччүнэн үлэлээбитэ. Кини инструкторынан, ССКП обкомугар үрдүкү салайааччыларга тутуу салаатыгар, тыа сирин тутуутун салайсыбыт буолан, билиитэ-көрүүтэ киэҥ, баай уопуттаах этэ. Тутааччы үөрэхтээх буолан, сатабыллаах салайыытынан улууска гаастааһын, суол тутуута көдьүүстээхтик быһаарыллыбыта. Ону сэргэ улуус киинин генеральнай былаанын схематын бигэргэттэрбитэ эмиэ биир улахан үлэнэн буолар.
Нам улууһугар оччолорго Нэлэгэр бааһынаҕа 1983 сыллаахха гааһы тарҕатар ыстаансыйа тутуллубута. Ол кэмтэн ыла гааһы тарҕатар пууннар тутуллан, гаас ситимнэрэ тардыллан, 1985 сыллаахха дьиэлэргэ күөх төлөн киирбитэ. Бу үлэҕэ барытыгар Василий Никифорович сыралаах өҥөтө бэрт улахан.
Тыа хаһаайыстыбатын эйгэтигэр биир ураты болҕомтону уурара. Быраҕыллыбыт сирдэри, сайылыктары сөргүтүү, чөлүгэр түһэрии үлэлэрэ күүскэ ыытыллыбыттара. Совхозтар үлэлэрэ бэрт тэрээһиннээхтик ыытыллан, үгүс ситиһии кэлбитэ, Нам улууһа өрөспүүбүлүкэҕэ элбэхтик бастыҥынан ааттаммыта.
Салайааччы өрөбүлү аахсыбакка улууһум туһа, дойдум туһа диэн үлэлиирэ. Нэһилиэнньэни кытта алтыһан кэпсэтэрэ, кинилэр санааларын, этиилэрин истэрэ. Кыһалҕаларын быһаарыыга ис дууһатыттан кыһаллара. Каадырдары иитэн таһаарыыга эмиэ улахан болҕомтотун уурара. Бэйэтин кэмигэр аҕа сүбэһиттэрдээх буолан, эдэр оҕолорго куруук сүбэ-ама, холобур буолара.
Киһи быһыытынан олус элэккэй, сытыары сымнаҕас киһи этэ диэн үөлээннээхтэрэ ахталлар. Кэллэктиибигэр ытыктанар үтүө киһи этэ. Оттон тапталлаах кэргэн, амарах аҕа быһыытынан эмиэ олус кыһамньылаах, оҕолоругар, сиэннэригэр истиҥ сыһыаннаах этэ диэн дьиэ кэргэнэ ахтар-саныыр.
Нам улууһун сайдыытыгар сүҥкэн кылааттаах киһи үтүө аатын үйэтитэргэ улууска үгүс үлэ ыытыллар. 1999 сыллаахха төрөөбүтэ 60 сылыгар Нам сэлиэнньэтигэр «Север-1» кыбаарталга Сосновай уулуссаҕа Василий Жирков аата иҥэриллибитэ. Олорбут дьиэтигэр мемориальнай дуоска ыйаммыта. Тутааччы күнүн чэрчитинэн Василий Жирков аатынан уулуссаҕа мемориальнай дуоска туруорарга сыал-сорук турар.
Василий Никифорович улууһун туһугар үгүс элбэҕи оҥоруохтааҕын, ситиһиэхтээҕин дьылҕа хаан ыйааҕа кытаанах буолан, хомойуох иһин, олох эдэрчи сааһыгар биһиги кэккэбититтэн туораабыта. Кини сиппэтэҕин, толорботоҕун оҕолоро, сиэннэрэ, хос сиэннэрэ ситэриэхтэрэ, толоруохтара диэн Нам улууһун дьаһалтатын пресс-сулууспата иһитиннэрэр.
Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт. Горнай улууһун Бэрдьигэстээх сэлиэнньэтигэр…
Арассыыйаҕа 2025 сыл от ыйын 1 күнүттэн хомунаалынай өҥө тарыыптарын үрдэтии былааннанар. Дойду бырабыыталыстыбатын дьаһалынан,…
Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ Павел Иванов от ыйын 1 күнүгэр, оптуорунньукка, СӨ Ил…
Дьокуускайга куоракка улахан бырааһынньыктар ыытыллар кэмигэр арыгыны атыылыыры хааччахтыырга этии киллэрдилэр, диэн «Эхо столицы» ТГ-ханаала…
От ыйын 1 күнүгэр Арассыыйаҕа Байыаннай дьайыы бэтэрээннэрин күнүн бэлиэтииллэр. Бу бэлиэ СӨ Ил Дархана…
Борокуратуура ирдэбилинэн, Дьокуускай куорат олохтооҕо өрөспүүбүлүкэтээҕи «Дьиэ кэргэн» ийэ хапытаалын - 316,2 тыһ. солк. ылар…