Үтүө санаалаах доҕорбунан киэн туттабын

Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии саха ыала онно итэҕэйэригэр уонна эрэнэригэр саарбахтаабаппын.

Кураанах тылынан элбэҕи куолулаан ааҕааччыны салгыппат инниттэн, аҕыйах тылынан быһааран көрөргө сананным.

Нуучча норуотун чулуу уолун, мэдиссиинэ докторын С.С. Коноваловы билбэт киһи Арассыыйаҕа аҕыйах буолуо.

Манна, Дьокуускайга олорор биир дойдулаахпыт, «Сибэкки ырайа. диэн ааттаах маҕаһыын хаһаайынын куорат олохтоохторо эмиэ бары да бэркэ билэллэрэ буолуо дии саныыбын. Бу мин табаарыһым, кинини судургутук Бааска диибин. Онтон миигин тыа сиригэр олорор дьон сороххут, ордук тыа хаһаайыстыбатынан дьарыктанар дьон бэркэ билэллэрэ буолуо дни саныыбын. Ол курдук, ити боппуруоска мунньахха, хаһыакка да элбэхтик бэйэм санааларбын этэр, суруйар этим. Онно туоһу быһыытынан биир ыстатыйаны булан ааҕыаххытын сөп. Бибилэтиэкэҕэ архыыпка харалла сытар хаһыакка. «Саха сирэ» 20.07.2012 эбэтэр 2012 сыл, ыам ыйа, төгүрүк остуол, «Кыым» хаһыат.

Быһаччы эттэххэ, 2021 сылга ыалдьан, инбэлиит буолан хааллым. Табаарыстарым билбэттэр, билэн да хайыахтарай. Онон кимиэхэ да эппэтэҕим. Билигин биһиэхэ эмэ суох ыарыы.

Ыалдьан үлэлээбэккэ олорорбун ити үөһээ ахтыбыт доҕорум Бааска билбит. Уонна тута миэхэ эрийэн барытын быһааран биэрдэ, түмүгэр эмтэммэт ыарыы диэн суох диэн буолла.

Мин хаһан «хотуурдаах» кэлэн ыларын кэтэһэн сыппыт киһи, омуннаан эттэххэ ойон турдум. Бааска буоллаҕына кинигэнэн көмөн кэбистэ уонна Санкт-Петербурга барыс, айаныҥ суолун төлүөм диэбитин, нэһиилэ аккаастанным. Көрөргүт курдук, билиҥҥитэ этэҥҥэ сылдьабын, «хотуурдааҕы» чугаһатар санаа суох! Билигин эмтиир бырааһым биэрбит эминээн дьүөрэлии, Коновалов үөрэҕинэн дьарыктанабын. Сороҕор Бааска кэлэн лиэксийэ ааҕан барар. Дьээбэлэнэн этээччибин: «Мин лиэксийэҕэ олоробун, устудьуоммун», — диэн.

Дьэ ити курдук, мин сааһым тухары тыа дьоно барахсаттар сүөһү-ас иитэннэр этэҥҥэ олороллорун турууласпыт үтүөм Дьылҕа Хаан ыйааҕынан уон оччо үчүгэйинэн бэйэбэр эргиллэн кэлбит.

Онон табаарыспар Бааскаҕа махталым муҥура суох. Уонна миэхэ оҥорбут үтүөтэ-өҥөтө бэйэтигэр уон оччонон улаатан тиийдин диэнинэн сурукпун түмүктүүбүн. Сэҥээрбиттэр Коновалов үөрэҕинэн туһунан билсиҥ, ааҕыҥ.

Иван Сивцев-Бээди

Хаартыска: ааптар тиксэриитэ