Хаартыска: Марианна Сивцева тиксэриитэ.
Сииттэ нэһилиэгэр олунньу 5-7 күннэригэр ыраах Дьокуускай куораттан үтүөнү-кэрэни кэрэһэлии, санааны-оноону сайгыы, алгыс баһын сыалыы үтүөкэн ыалдьыттар кэлэн ис сүрэхтэриттэн үлэлээн аастылар.
Бу байыаннай дьайыыга күҥҥэ көрбүт көмүс оҕолорун атаарбыт, сүтэрбит, күүстээх санаалаах саха мааны хотуттара, эйэҕэс, истиҥ ийэлэрэ, Арассыыйа норуодунай эмчиттэрин сойууһун Саха сиринээҕи салаатын бэрэссэдээтэлэ, норуот эмчитэ, алгысчыт Вероника Николаевна Семенова-Хомусчаана уонна байыаннай дьайыыга сылдьар оҕолоох ийэ, массажист Анна Степановна Корнилова буолаллар. Кинилэр массаас араас көрүҥүн оҥордулар, илбийдилэр, түөннээтилэр, хааннаатылар, ону кытта бар дьону арчылаан, алгыс тыл бастыҥын түһэрдилэр. Эмчиттэр байыаннай дьайыыга сылдьар оҕолордоох төрөппүттэри босхо эмтээн-томтоон, массаастаан, ыраастаан, алгыс толоруутун сиэринэн-туомунан үлэлэрин саҕалааннар, дьоҥҥо күүстээх эрэли сахтылар. Төрөппүт оҕолоро этэҥҥэ сылдьан, хайаан да Кыайыы көтөллөөх төрөөбүт төрүт дойдуларыгар төннөн кэлэллэригэр улахан эрэли үөскэттилэр. Эмчиттэртэн улаханнык туһаммыттарын байыаннай дьайыыга сылдьар уолаттар төрөппүттэрин таһынан 70-ча киһи массаастатан, астынан тарҕаспыттарын туһунан баҕа санаа кинигэтигэр суруйбуттара туоһулуур. Онон сииттэлэр өтөрүнэн эмтэммэтэхпитин эмтэнэн олус астынан олоробут. Эмчиттэр ыалдьытымсах дьиэ кэргэн аҕатыгар Николай Захаровка истиҥ-сылаас көрсүһүүтүн, минньигэс аһын-үөлүн иһин улахан махталларын тиэрдэллэр. Кэлэр-барар сырыыларын босхо таспыт баһылыкпытыгар Семен Тимофеевка, эдэр ыччаппытыгар Василий Сивцевка, ону тэҥэ Саха сирин көмүс волонтердарын көхтөөх кыттааччытыгар Светлана Жирковаҕа биир дойдулаахтарын ааттарыттан, истиҥ махталбытын тиэрдэбит. Нэһилиэк олохтоохторо бу туһалаах сырыы өссө да салҕана турарыгар баҕа санааларын тириэрдэллэр.
Марианна Сивцева
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…