Хаартыска: minobrnauki.sakha.gov.ru
Ситниковтар ааттарынан физика кэбиниэтэ П.И. Шадрин аатынан Өктөм орто оскуолатыгар баар буолла. Кэбиниэти Хаҥалас улууһугар бастакы оскуола төрүттэммитэ 150 сылыгар аналлаах үбүлүөйдээх тэрээһин иитинэн астылар.
— Анна Николаевна, Иван Иванович олохторун баһыйар улахан аҥаарын оҕолорго, оскуолаҕа анаабыттара. Бэйэлэрин кэннилэриттэн үгэскэ кубулуйбут араас тэрээһиннэри олохсутан хаалларбыттара. Оскуола саҥа дьиэтэ тутуллуутугар кинилэр уолаттара – Николай, Иван, Сергей көхтөөхтүк кыттыбыттара, — диэн оскуола дириэктэрэ Калиста Афанасьева кэпсиир.
Кэллиэгэлэрэ бэлиэтииллэринэн, Анна Николаевна үрдүкү категориялаах учуутал быһыытынан үөрэх аныгы технологияларын хото туһанара. Физика учууталларыгар көмөлөһөн, төрөөбүт тылынан мэтэдиичэскэй босуобуйалары оҥорууга көхтөөхтүк кыттара. Анна Николаевна хаачыстыбалаахтык үөрэтэрин үөрэнээччилэрэ физика курдук уустук биридимиэти үрдүк таһымҥа билэллэрэ бигэтик туоһулуур.
Иван Иванович ураты бэлиэтинэн мэтиэдикэҕэ кырааматынаһа, иҥэн-тоҥон, толкуйдаан, айымньылаахтык сыһыаннаһан үөрэтэрэ, эппиэтинэстээҕэ буолар. Информационнай-компьютернай технологиялары үөрэтэ уонна туһана, онно учууталлары, үөрэнээччилэри үөрэтэ таарыйа, уруокка саҥа технологиялары киллэрэргэ көмөлөһөрө. Иван Иванович тэрийбит математика уонна информатика кэбиниэттэрин баазатыгар, тустаах биридимиэттэргэ учууталларга аналлаах улуустааҕы, өрөспүүбүлүкэтээҕи сэминээрдэр ыытыллаллар.
Улуустааҕы үөрэх управлениетын начаалынньыгын солбуйааччы Надежда Скрябина оскуола үөрэх биир флагманынан буолар диэн эттэ. Өктөм нэһилиэгэр педагогтар бастакы династиялара Неустроевтар-Широкихтар үлэлээбиттэрэ, манна меценатства үгэһэ олохтоммута, бүгүн Өктөм оскуолата уонна Өктөмнөөҕү билим-үөрэх киинэ ол бастакы оскуола бастыҥ үгэстэрин салҕыыллар:
— Биһиги улууспутугар үөрэх икки флагмана баар – Панкратий Иванович Шадрин аатынан Өктөм орто оскуолата уонна СӨ бастакы бэрэсидьиэнэ Михаил Ефимович Николаев аатынан Өктөмнөөҕү билим-үөрэх киинэ. Үөрэх бу кыһаларыгар тиэхэньиичэскэй үөрэх бастыҥ үгэстэрэ салҕаналлар. Билигин чопчу инженернэй-тиэхэньиичэскэй хайысханы сэҥээрэллэр. Инженердэр ханнык баҕарар эйгэҕэ ирдэнэллэр. СӨ үтүөлээх учууталлара Анна Николаевна уонна Иван Иванович Ситниковтар ааттара физика кэбиниэтигэр иҥэриллибититтэн олус үөрэбит. Оскуолаҕа салгыы ситиһиилэри баҕарабыт!
Санатан эттэххэ, Педагог уонна уһуйааччы сылыгар үс оскуолаҕа учууталлар, педагогтар ааттара иҥэрилиннэ – Покровскай 2-с нүөмэрдээх оскуолатыгар Зоя Ивановна Ксенофонтова, Тумул оскуолатыгар Родион Алексеевич Христофоров уонна 2-с Дьөппөн оскуолатыгар Алексей Андреевич, Роман Андреевич Николаевтар ааттара. Кинилэр Хаҥалас улууһугар үөрэх сайдыытыгар сүҥкэн кылааттарын киллэрбиттэрэ. Бу туһунан Хаҥалас улууһун үөрэҕин управлениета суруйар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…