«Ытык аҕа» бэлиэни Саха сирин үс олохтооҕор туттардылар

Өрөспүүбүлүкэ күнүн иннинэ үс Саха сирин олохтооҕор «Ытык аҕа» бэлиэни туттардылар.

Наҕарааданы Ил Дархан Айсен Николаев туттарда. «Ытык аҕа» бэлиэни оҕону иитиигэ ураты өҥөлөрүн, өрөспүүбүлүкэ уопсастыбаннай олоҕор улахан кылааттарын иһин Ньурба оройуонуттан Иван Кушкириҥҥа, Нам оройуонуттан Иван Гуляевка, Горнай оройуонуттан Егор Михайловка  туттардылар.

Бочуоттаах бэлиэни кытта 100 тыһыынча солкуобайдаах бириэмийэ бэриллэр.

«Мин 80 саастаахпын. Кэргэммин кытта түөрт оҕону улаатыннардыбыт, алта сиэннээхпит. Наҕарааданы ыламмын олус үөрэбин. Наҕараадалааһыҥҥа уолбун кытта кэллим», — диир СИА-ҕа Егор Михайлов.