Хаартыска: СИА
Муус устар 16 күнүгэр Ил Дархан Айсен Николаев «Ытык аҕа» туһунан Ыйаахха уларытыы киллэрэргэ илии баттаатта.
Ол курдук, бу сылтан «Ытык аҕа» бэлиэ үс аҕаларга буолбакка, оҕо иитиитигэр ураты өҥөлөрүн иһин, Саха сирин уопсастыбаннай олоҕор улахан кылааты киллэрбит алта аҕаларга туттарыллыаҕа. Чуолаан, Саха сиригэр уонна дойду Аҕаларын күннэригэр алта аҕаларга үрдүк анал бэлиэ туттарыллыаҕа.
«Бу быһаарыы Дьиэ кэргэн сылыгар ылыныллыбыта ураты суолталаах. Салгыы былаас бары таһымыгар дьиэ кэргэн, ийэ, аҕа уонна оҕо аймах мэктиэлэрин күүһүрдүөхпүтүн наада», — диэтэ Ил Дархан Айсен Николаев.
Санаттахха, наҕараадаҕа ирдэнэр докумуоннары муниципальнай тэриллии дьаһалталара СӨ Үлэҕэ уонна социальнай сайдыыга министиэристибэтин аадырыһыгар ыыталлар. Ирдэнэр докумуоннар: хадатаайыстыба, наҕараада илииһэ, нэһилиэк дьокутааттарын Сэбиэтин быһаарыыта уонна пааспар куопуйата.
Докумуоннары ылыы болдьоҕо: тохсунньу 15 күнүттэн кулун тутар 1 күнүгэр диэри уонна атырдьах ыйын 15 күнүттэн алтынньы 1 күнүгэр диэри.
Ил Дархаҥҥа наҕараадаҕа түһэрии судаарыстыбаннай наҕараадалар хамыыһыйатыгар киллэриллэр.
Бүгүн, ахсынньы 15 күнүгэр, Дьокуускайга 36 кв.м. иэннээх кыбартыыраҕа баһаар буолла. Өлбүттэр суохтар, биэс киһи…
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…