Светлана Прудецкая хаартыскаҕа түһэриитэ
А.Р.Халдеева аатынан Бороҕон модельнай бибилэтиэкэтэ Улуу Кыайыы 80 сылынан Аҕа дойду сэриитин бэтэрээннэрин, үлэ фронун кыттыылаахтарын сырдык ааттарын үйэтиттэ. Кинилэр тустарынан кинигэлэргэ, хаһыаттарга киирбит ыстатыйалары түмэн библиографическай ыйынньык оҥорон, ааҕааччы киэҥ эйгэтигэр кинигэ буолан таҕыста.
Биһиги эйэлээх олохпут туһугар тыыннарын толук биэрбит буойуннар, үлэ фронугар хоргуйары-сылайары аахсыбакка кыайыы туһугар кылааттарын киллэрсибит дьоммутун үйэтитэр ытык иэспит.Бу библиографическай ыйынньык үбүлүөйдээх Улуу Кыайыы 80 сылыгар ананар, ыйынньык таҥыллан оҥоһуллуутугар үгүс кинигэлэри, хаһыаттары бэрийэн-хасыһан бэтэрээннэр тустарынан матырыйааллар хомуллан түмүлүннүлэр.
Сүрүн матырыйааллар “История Усть-Алданского улуса в лицах:биобиблиографический справник.”- ааптардар: А.Н.Жирков, В.Н.Окоемова, З.И.Данилова уо.д.а. “Кинилэр Кыайыыны уһансыбыттара”-ааптар Аммосов Н.Е., ”Бороҕон нэһилиэгэ” кинигэ-ааптардар М.М.Аржаков, А.С.Сокольникова, Н.Н.Ребров, “Сыҥаах Бороҕоттор”-ааптар Алексеев С.С.-Төрүт Бороҕон, “Айдааннаах үйэ уолаттара”-ааптар М.М.Аржаков, “Тыыннаах өйдөбүл”- ааптар Сокольникова А.С., олохтоох музей, библиотека фондаларыттан материаллар, фотолар туһанылыннылар. Библиографическай указатель сүрүн редакциятын, кииннэммит библиотечнай тиһик методиһа Попова Мария Коммунаровна, библиографическай описаниятыгар сүбэлэри биэрбит библиограф Борисова Марианна Николаевна, “Бессмертный полк Усть-Алданского улуса” сайт салайааччыта Колодезникова Роза Константиновна, улуустааҕы кииннэммит библиотечнай тиһик бочуоттаах директора, наставнига Окоемова Варвара Николаевна сүбэ-ама буоллулар.
Библиографическай ыйынньык олохтоох дьаһалта өйөбүлүнэн бэчээттэнэн тахсыбытынан, нэһилиэгим баһылыгар Василий Петрович Алексеевка, улуустааҕы коллегаларбар махтанабын. Библиографическай ыйынньык түһүмэхтэринэн салҕаныаҕа, эбии материаллар угуллан , хаҥатыллан иһиэхтэрэ. Бу үйэлээх ыйынньык үөрэнээччилэргэ, устудьуоннарга, ааҕааччы киэҥ араҥатыгар ананар.
Светлана Прудецкая, бибилэтиэкэр,
Тумул, Уус Алдан
Светлана Прудецкая хаартыскаҕа түһэриитэ
Балаҕан ыйын 3 күнүгэр Пекиҥҥэ Тяньаньмэнь болуоссакка Япония капитуляциялаабытын кэннэ Иккис аан дойду сэриитэ бүппүтэ…
СӨ Борокуратуурата иһитиннэрбитинэн, Таатта улууһугар бүддьүөт харчытын уоруунан холуобунай дьыала тэриллибит. Ол курдук холуобунай дьыаланы…
“Роскосмос” судаарыстыбаннай корпорация телеграм-ханаалыгар иһитиннэрэринэн, балаҕан ыйын 7 күнүгэр Арассыыйа сиригэр-уотугар ый "өлүөҕэ". —…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саҥа үөрэх дьылын көрсө, атырдьах ыйын 27 күнүгэр, «Анаабыр алмаастара» АУо көмөтүнэн, табаһыттар оҕолорун Булуҥ…
Дьокуускай куорат борокуратуурата Усуйаана улууһун 27 саастаах олохтооҕор тэриллибит холуобунай дьыалаҕа буруйдааһыны өйөөтө. Кини халабыр…