Хаартысканы Марта Николаева тиксэрдэ
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии сылдьар, Атласовтар уһаайбаларын хаһаайыттара кэргэннии Валентина Иннокентьевна, Василий Николаевич Атласовтар өрөбүллээҕи Оһуокайбытыгар кэлэн бардылар.
Алгыс ыытыллар саалатыгар Валентина Иннокентьевна аал уоту оттон алгыстаата,ууруунуу суруктаах харысхал кумааҕылары хас биирдии киһиэхэ талларан биэрдэ уонна суолтатын быһаарда. Аал уоту оттон ис дууһаларыттан Оһуокайга сылдьар дьоҥҥо алгыс үтүө тылларын анаата. Алгыс кэнниттэн Атласовтарга анаан Аар Дархан этээччи Егор Михайлович Осипов, Дархан этээччи Валентин Хорунов түһүлгэлэригэр оһуокайдастылар, ырыаһыттар Ким Кузьмин, Евгения Игнатьева эҕэрдэ ырыаларын ыалдьыттарбыттарыгар анаатылар.
Горнайтан учуутал Любовь Дмитриева анаан-минээн киирэн кытынна, оһуокайга түһүлгэлээн сүрэхтэннэ. Александр Джурович аатыттан Махтал суруктары, Оһуокай хартыынатын бэлэх туттардыбыт.
Василий Никооаевич Оһуокай аан маҥнай Үс Хатыҥ түһүлгэтигэр анал миэстэтэ суоҕар, бэйэтин түһүлгэтин Оһуокайга уларса сылдьыбытын кэпсээтэ. Оһуокай маҥнай тэриллэригэр өҥөлөөх этим диэтэ. Ытык дьоммут Атласовтар Арчыга, Оһуокайга анаан-минээн кэлбиттэригэр ис сүрэхтэн махтанныбыт. Күндү дьоммут этэҥҥэ эрэ буолуҥ!
Марта Николаева
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…