Ытык дьоммутугар сүгүрүйэбит

Горнайга Улуу Кыайыы өрөгөйдөөх күнүнэн, улуус, нэһилиэк дьаһалталара, С.П.Данилов аатынан Бэрдьигэстээх оскуолатын оҕолоро, учууталлара, Аҕа дойду уоттаах сэриитигэр дойдуларын хорсуннук көмүскээбит буойуттар оҕолоро, аймахтара, табаарыстара өйдөбүнньүккэ венок, сибэкки дьөрбөтүн уурдулар.

Бу күн эйэлээх, дьоллоох олох иһин охсуспут буойуттар хорсун быһыыларын, олорон ааспыт олохторун ахтан-санаан аастылар.

Бу күн Аҕа дойду сэриитин кыттыылаахтарыгар Семен Федорович Дьячковскайга анаммыт искибиэргэ, фронтовик, бэтэринээр-быраас Николай Никитич Бекасов, Николай Алексеевич Григорьев мемориальнай дуоскаларыгар сибэкки дьөрбөлөрүн уурдулар, ахтан-санаан аастылар. Ытык дьоммутугар сүгүрүйэбит. Ким да умнуллубат, туох да умнуллубат!

«Кэскил» медиа-оскуола,
Бэрдьигэстээх.