Мария Павлова хаартыскаҕа түһэриитэ
Горнай улууһугар Бэрдьигэстээххэ П.Д. Аввакумов аатынан киин бибилэтиэкэҕэ Д.Н. Жиркова 95 сааһыгар анаммыт кинигэ биһирэмэ буолла.
Дария Никифоровна улууспут дьоно-сэргэтэ , өрөспүүбүлүкэ үгүс улуустарын аҕа саастаах көлүөнэтэ бэркэ билэр, ытыктыыр, саха чулуу дьахталларыттан биирдэстэрэ, Саха АССР норуотун хаһаайыстыбатын үтүөлээх үлэһитэ, Үлэ Кыһыл Знамята уордьан кавалера, биэс төгүл Саха АССР Үрдүкү Сэбиэтин дьокутаатынан быыбардаммыт, Горнай улууһун бочуоттаах олохтооҕо. Манна эбэн этэр буоллахха, төрөөбүт оройуонун сайдыы суолугар киллэрбит улахан салайааччы.
Кинигэни күн күбэй ийэтин уонна быраатын сырдык ааттарын кэриэстээн Дария Никифоровна кыыһа, РФ уонна СӨ доруобуйа харыстабылын туйгуна Валентина Алексеевна Саввина бэчээттэтэн таһааттарда. Кинигэҕэ 50-60-70 сылларга өрөспүүбүлүкэ эдэр оройуонун тэтимнээх сайдыыта, оччотооҕу үлэһит дьон, салайааччылар үлэни тэрийэр, көҕүлүүр күүрээннээх үлэлэрэ ахтыыларга дьэҥкэтик суруллубут. Төрөөбүт улууһа чэчирии сайдарын туһугар олоҕун анаабыт ытык кэрэ киһибит Дария Никифоровна Жиркова туһунан кинигэ үөрэтэр-иитэр суолтата улахан. Аныгы кэм салайааччыларыгар көмө-тирэх, ыйынньык буолар суолталаах.
Дария Никифоровна тапталлаах улууспут билиҥҥи сайдыытын чиҥ укулаатын ол 60-70-80 сылларга олохтообут чулуу саха дьахтара. Оройуонун социальнай-экэнэмиичэскэй, культурнай-духуобунай сайдыытыгар элбэҕи оҥорбута.
Дария Никифоровна 2009 сыллаахха 79 сааһыгар олохтон туораабытын кэнниттэн, оччолорго СӨ Бырабыыталыстыбатын Бэрэссэдээтэлэ Егор Афанасьевич Борисов алтынньы 28 күнүгэр кини аатын үйэтитиигэ дьаһал таһаарбыта. Онно ыйыллыбыт үс тосхол олоххо киирэн, билигин Бэрдьигэстээх киин искибиэригэр Дария Никифоровна бюһа турар, Эбэ түөлбэтигэр элбэх ыал олорор уулусса ааттаммыта. 2011 с. Горнай улууһун оччолорго баһылыгын Петр Николаевич Алексеев уурааҕынан, бастыҥ үлэлээх салайааччыга Дария Никифоровна аатынан Бочуоттаах бэлиэ олохтоммута.
Дария Никифоровна үйэҕэ биирдэ көстөн ааһар, айылҕаттан талааннаах, кыахтаах салайааччы, төрөөбүт оройуона иннин диэки сайдарыгар киллэрбит кылаатын суолтата өссө ордук үрдээн иһэр.
Мария Павлова,
Бэсрдьигэстээх, Горнай.
Хаартыскаҕа ааптар түһэриитэ.
Саха сиринээҕи УГМС саайта иһитиннэрбитинэн, бүгүн, атырдьах ыйын 1 күнүгэр, өрөспүүбүлүкэ хотугулуу-илин өттүгэр, соҕуруу оройуоннарыгар,…
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…