Хаартыска: Раиса Черкашина тиксэриитэ
Уус Алдан улууһугар Суотту нэһилиэгин Хоноҕордооҕу «Түһүлгэ» сынньалаҥ киинигэр «Бэлэхтээ сааскы сарыалы» дьоро киэһэ буолан ааста.
Нэһилиэкпит Бочуоттаах олохтооҕо, уус уран самодеятельность бэтэрээнэ, «Илгэ» фольклор ансаамбылын көмүс куоластаах солиһа, хоһоонньут, ырыа айааччы, элбэх ыал дьоро түгэннэрин ыытааччы, быйыл 88 сааһын туолар Мария Дмитриевна Федорова
«Саха» НКИХ «Эн сулускун» ырыа күрэһигэр ситиһиилээхтик кыттан көрөөччү биһирэбилин муҥутуур кыайыылааҕынан ааттаммыт улахан ситиһиитин бар дьонун ортотугар бэлиэтиир дьоро киэһэтин «Түһүлгэ» сынньалаҥ киинин кэлэктиибэ тэрийдэ. Мария Дмитриевнаны кытта истиҥ кэпсэтиини сынньалаҥ киин салайааччыта Екатерина Гоголева, кэнсиэртиир чааһын кулууп уус уран салайааччыта Валентина Бубякина ыыттылар.
Суотту олохтоох дьаһалтатын баһылыга Баишев В.П., үлэ кэлэктииптэрэ, уопсастыбаннай тэрилтэлэр өрө көтөҕүллэн ытык киһибитигэр эҕэрдэлэрин тиэртилэр, ылбаҕай ырыаларын бэлэх ууннулар. Үөрүүлээх тэрээһин дохсун ытыс тыаһынан арыалланна. Өр сыллар усталарыгар элбэх дьоро түгэннэри нэһилиэгин дьонугар бэлэх ууммут талба талааннаах ытык киһибит кыайыыта барыбытын үөртэ, долгутта.
Раиса Черкашина,
Суотту, Уус Алдан.
Хаартыскалар ааптар тиксэриилэрэ
Экэнэмиичэскэй пуорумҥа Социальнай чинчийиилэр эспиэртиир институттара (АНО ЭИСИ) кыттыылаах Уһук Илиҥҥи эрэгийиэннэр салайар быраактыкаларыгар социальнай…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…