Хаартыска sakha.gov.ru ылылынна
«Үөрэх» национальнай бырайыак иитинэн Таатта улууһугар Ытык Күөлгэ 450 үөрэнээччигэ уонна 100 оҕо олороругар интэринээттээх лиссиэй тутуллар. Кыһа сыбаайатын быйыл муус устар ортотугар түһэрбиттэрэ.
Хас биирдии мэндиэмэҥҥэ 25-тии оҕо үөрэнэр түөртүү кылаастаах буолуо. Маны сэргэ, 225 оҕо эбиэттиир саалалаах, мастарыскыайдаах, процедурнайдаах, психолог, социальнай үлэһит хосторо, 41 оҕо олорон ааҕарыгар саалалаах бибилэтиэкэлээх, успуорт саалата, 292 миэстэлээх актовай саалалаах, икки компьютернай кылаастаах, уо.д.а. буолуохтаах. Манна өссө лифтээх буолуо диэн этэллэр.
Интэринээккэ түөртүү оҕо сытар хосторо былааннаналлар. Уруок ааҕалларыгар, мал-сал уурулларыгар анал хостор, куукуна, таҥас сууйар, куурдар, өтүүктүүр сир баар буолуохтара.
Бүгүҥҥү күҥҥэ эбийиэккэ 50 киһи, 5 тиэхиньикэ үлэлиир. Тутуу билиҥҥи туругунан 32% бэлэм. Лиссиэйи 2024 сыл бүтүүтүгэр үлэҕэ киллэрэр былааннаахтарын туһунан СӨ Тутууга министиэристибэтиттэн иһитиннэрэллэр.
Бэлиэтээн эттэххэ, Саха сиригэр кэнники биэс сылга 36 оскуола, 66 уһуйаан тутулунна. 2023 сылга 74 социальнай суолталаах эбийиэги, ол иһигэр уопсайа 3660 миэстэлээх 16 оскуоланы, 360 миэстэҕэ 6 уһуйааны, биир эбии үөрэхтээһин эбийиэгин, 10 физкултуура уонна успуорт эбийиэктэрин, 24 доруобуйа харыстабылын эбийиэгин, 3 социальнай хааччыйыы уонна 14 култуура эбийиэгин үлэҕэ киллэрэр былаан баар.
Сиһилии https://www.sakha.gov.ru/news/front/view/id/3368110 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…