Хаартыска: Андрей Сорокин/ЯСИА
От ыйын 8 күнүгэр, оптуорунньукка, Таатта улууһун Ытык Күөл сэлиэнньэтигэр «Дьулуруйар Ньургун Боотур» саҥа стадион үөрүүлээх быһыыга-майгыга аһылынна.
Тутуу «Манчаары оонньууларыгар» ананан бэс ыйыгар түмүктэммитэ. Ил Дархан Айсен Николаев сэлиэнньэҕэ тахсыбыт үтүө уларыйыылары бэлиэтээтэ: «Мин бүтэһик сылларга Ытык Күөл тупсубутуттан үөрэбин. Урут манна паарка эрэ баар этэ. Оттон билигин кэрэ стадион, ону таһынан өрөспүүбүлүкэҕэ саамай бөдөҥ успуорт дыбарыаһа баар буоллулар. Бу эбийиэктэр оонньуулар кэннилэриттэн олохтоохтор туһаларыгар хаалыахтара», — диэтэ Айсен Николаев.
Олохтоохтору Арассыыйа национальнай уонна олимпийскайа суох успуорт көрүҥнэрин кэмитиэтин Бэрэсидьиэнэ Борис Гришин эҕэрдэлээтэ уонна өрөспүүбүлүкэ сүдү оруолун эттэ: «Бүгүн киэһэ Манчаары оонньууларын аһыллыыта ыытыллар. Бу – аан дойдуга тэҥнээҕэ суох, Саха сирин ураты, саҥаны киллэрэр бырайыага. Өрөспүүбүлүкэ национальнай успуорт көрүҥнэрин сайыннарыыга дьиҥнээх флагманынан буолар», — диэн кини бэлиэтээтэ.
Стадион ЮНЕСКО-нан киһи аймах материальнайа суох нэһилиэстибэтин бастыҥ айымньытынан билиниллибит саха олоҥхотун дьоруойун «Дьулуруйар Ньургун Боотур» аатынан ааттанна. Эбийиэк икки зонаттан турар. Сүрүн зонаҕа футбол хонуута, сүүрэр суоллар, ыстаныы сектордара уонна трибуналар бааллар. Стадион таблонан, уот эстафетатын факелын туруорар сиринэн, флагштоктарынан уонна сырдатыынан хааччыллыбыт.
Бэлиэтээн эттэххэ, билигин стадиоҥҥа сыл сүрүн успуорт тэрээһинэ – XXII «Манчаары оонньууларын» аһыллыытын сиэрэ-туома ыытылла турар.
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…