Салгыы
Ытык Күөлгэ халааҥҥа бэлэмнэнэллэр

Ытык Күөлгэ халааҥҥа бэлэмнэнэллэр

10.05.2023, 21:48
«Таатта» хаhыат хаартыската.
Бөлөххө киир:

Таатта улууһун Ытык Күөл сэлиэнньэтигэр үрэхтэр уулара күүскэ киирэн эрэллэринэн ыксаллаах быһыыга-майгыга бэлэмнэнэллэр. Бүгүн Ытык Күөл бөһүөлэгин баһылыга Егор Павлов халаан уутун балаһыанньата ыараабытынан нэһилиэнньэтигэр сэрэтии оҥордо.

Кини быйыл саас Хадаайы, Буочаҕай, Наммара үрэхтэрин уута түһэр Дьиэбэгэнэ үрэҕэ уутун күүскэ киллэрэ турарын бэлиэтээтэ. Бэҕэһээ уу түспүт буоллаҕына, бүгүн Таатта үрэххэ уу эбиллибитин эттэ.

«Ити Дьиэбэгэнэ үрэҕэ киллэрдэ. Бүгүн 12 см эптэ, уу таһыма күнү быһа өссө эбиллиэ. Онон сибээстээн кытыы олорор ыаллар сэрэниэхтэрин, малы-салы үөһэ таһааран бэлэмнэниэхтэрин наада», — диэтэ кини. Эр дьон ыраах кустуу барбакка, ыксаллаах балаһыанньа үөскээтэҕинэ, суһаллык көмөҕө кэлэрдии, чугас сылдьалларыгар сэрэттилиннэ.

«Уу кэлэригэр эрдэттэн бэлэмнэнэн быһыты үрдэтиини, онтон да атын үлэни күүскэ ыыттыбыт. Наммараҕа, хоту эҥэр «Тааттаавтодор» тэрилтэ салайааччыта Иван Бочонин көмөтүнэн икки экскаватор туруордубут. Ыксал үөскүүр түгэнигэр атын даҕаны тиэхиньикэни таһаарарга бэлэмнээтибит. Анатолий Бочоруков уонна даҕаны атын чааһынай тэрилтэлэр суоппардара үлэлэһэ сылдьаллар», — диэн кэпсээтэ баһылык.

Егор Павлов олохтоох нэһилиэнньэттэн уу кэлэр түгэнигэр, суһаллык, дьаһалтаҕа уонна Суһал бөлөххө биллэрэллэригэр көрдөстө. Кини этэринэн хоту эҥэр ыксаллах быһыы-майгы тахсыан сөп, тоҕо диэтэххэ, итиннэ кутталлаах таһымҥа тиийэрэ 20 см эрэ хаалан турар. Төһө кыаллларынан даамбаны үрдэтэр үлэ күүскэ барар, ол гынан баран, айылҕа күүһүн тохтотор уустук.

Салгыы кини билиҥҥи туругунан, Чурапчы, Чөркөөх, Кыйы эҥэринэн уу элбэҕин бэлиэтээтэ. Биир кутталлаах балаһыанньа Сискэс водохранилищетын быһытын адаҕа быата алдьанан, быйыл ууну быһыттыыр бобуута тоҕо барар кутталлааҕа этилиннэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
28 мая
  • 21°C
  • Ощущается: 20°Влажность: 37% Скорость ветра: 4 м/с

Сообщить об опечатке

Текст, который будет отправлен нашим редакторам: