Ытык Күөлгэ лиссиэй саҥа дьиэтин тутуу түмүктэннэ

Таатта оройуонун Ытык Күөл сэлиэнньэтигэр А.Е.Мординов аатынан интэринээттээх лиссиэй саҥа дьиэтин тутуу түмүктэннэ.

Эбийиэк СӨ Судаарыстыбаннай тутууну уонна дьиэни-уоту кэтээн көрүүгэ управлениетын бэрэбиэркэтин ааһан, ону туоһулуур түмүгү ылла.
Лиссиэй саҥа дьиэтэ 450 үөрэнээччигэ анаммыт уонна 100 миэстэлээх интэринээттээх. Оскуолаҕа үөрэнэр кэбиниэттэр, рекреационнай хостор, остолобуой, мэдиссиинэ пууна, мастарыскыай, психолог уонна социальнай үлэһит кэбиниэттэрэ, уруһуй студията, успуорт саалата, 292 миэстэлээх актовай саала бааллар.

Интэринээккэ түөртүү миэстэлээх утуйар хостордоох, таҥас өтүүктүүр, туалет, душ көрүллүбүттэр.

Оскуоланы тутуу «Аныгы оскуола» федеральнай бырайыагынан ыытылынна. Өрөспүүбүлүкэ Госсакаасчытын сулууспата туттарааччынан буолар, бэдэрээтчит — «Монтажник» ПК.