Таатта улууһугар Ытык Күөлгэ А.Е.Мординов аатынан лиссиэй «Күһүҥҥү киhи күлбүтүнэн» атыы-эргиэн дьаарбаҥкатын үһүс төгүлүн өрө көтөҕүллүүлээхтик, олус үчүгэйдик тэрийэн ыытта.
Лиссиэй иһинэн тэриллибит бизнес-инкубатор күһүҥҥү дьаарбаҥката үгэс курдук үрдүк таһымнаах буолла. Дьаарбаҥкаҕа үөрэнээччилэр, төрөппүттэр, учууталлар ас эгэлгэтин дэлэччи тардан, Ытык Күөл олохтоохторун, ыалдьыттары сөхтөрдүлэр, үөртүлэр. Атыы-тутуу бэртээхэй буолла.
Оҕолор дьаарбаҥкаҕа атыылыы үөрүйэхтэрэ, сатаан тэринэллэрэ көстөр. Атыыны-тутууну тэрийэр былаһааккаларын дьону-сэргэни тардар, болҕомтону ылар курдук киэргэтэн, эмиэ туспа кэрэхсэбили ыллылар. Түмүгэр дьаарбаҥка аhа хамаҕатык атыыга баран, хас да кылаас эбии үп киллэриннэ, оттон олохтоохтор сибиэһэй, иҥэмтиэлээх, бэртээхэй амтаннаах аска тиксэн үөрүү-көтүү бөҕө буоллулар.
А.Е.Мординов аатынан лиссиэй бизнес-инкубатора улууска, өрөспүүбүлүкэҕэ араас бырайыактарынан инники күөҥҥэ сылдьарын, күһүҥҥү дьаарбаҥкаҕа бары тутуспутунан өрө көтөҕүллүүлээхтик кыттыһалларын бэлиэтээн туран, оскуола дириэктэрэ И.А.Сивцева барыларыгар махтанна.
Дьаарбаҥкаҕа үөрэнээччилэр ыллаатылар-тиуойдулар, мода көрдөрдүлэр, сыыры хайдах астыыры, уолаттар бултарын, балыктарын хайдах-туох астаан аҕалбыттарын кэпсээтилэр, бар дьон биhирэбилин ылыахтарын ыллылар. Дьаарбаҥкаҕа сылдьыбыт дьон-сэргэ сэргэх бырайыактара, тэрээhиннэрэ сайда, кэҥии турарыгар баҕардылар.
Александра Прудецкая,
Ытык Күөл, Таатта.
Хаартыскаларга Лена Неустроева, Айыллаана Алексеева түһэриилэрэ.
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…
Бу күннэргэ киин куоракка «Юнармия» хамсааһын өрөспүүбүлүкэтээҕи IX патриотическай сүлүөтүгэр өрөспүүбүлүкэ 14 улууһуттан уонна куораттааҕы…
Эбээн Бытантайга Р.И.Шадрин аатынан Саккырыыр орто оскуолатын баазатыгар 40 оҕону хабар көс оскуолатын тэрийиэхтэрэ. Маны…
Ускуустубаннай интеллект (өй) бастакы лабораторията Сбер «AI Journey: Путешествие в мир искусственного интеллекта» лиэксийэлэрин серияларын…
Түөкүттэр угаайыларыгар, араас албастарыгар киирэн биэримэҥ диэн өрүү сэрэтэллэр. Ол да буоллар, дьэ, дьону албыннарыгар…
Дьокуускайга балаҕан ыйын 24-27 күннэригэр норуоттар икки ардыларынааҕы V Хотугу пуорум ыытыллыаҕа. Далааһыннаах тэрээһиҥҥэ Арассыыйа…