Анна Яковлева хаартыскаҕа түһэриитэ
Манчаары оонньууларын сэргэ нэһилиэкпитигэр уонна Таатта улууһун сайдыытыгар сүҥкэн суолталаах баараҕай эбийиэктэр үлэҕэ киирэллэр. Таатта үрэҕи туоратар, икки саҥа тутуллубут успуорт эбийиэктэрин ситимниир, икки балаһалаах, 80 т уйуктаах муоста үөрүүлээх аһыллыыта буолла.
Генеральнай бэдэрээтчит «Таттаавтодор» АУо, суббэдэрээтчит “Мосты Севера” тэрилтэ болдьоҕун иннинэ, оонньуулары көрсө сүрүн тутууну түмүктээтилэр. Муоста төһө да түргэнник тутулуннар, хаачыстыбалаахтык, бары ирдэбилгэ эппиэттиир гына үйэлээхтик оҥоүулунна. 12 сыбаайа 8 м дириҥҥэ түһэриллэн чиҥник тутан тураллар. Салгыы уот-күөс холбонон, муоста тас көстүүтүн тупсаран оҥоруохтара. Муоста үбүлээһинэ республика бүддьүөтүттэн көрүлүннэ.
Муостаны сэргэ Ытык Күөлбүт суолларын тупсарыыга үгүс үлэ барда. Мординов уулуссаҕа, Харбалаахтыыр аартыкка 2 км 400 м уһуннаах аспаал тэлгэннэ. Онон киин уулуссалар барыта массыына сылдьарыгар ананан аспаалланнылар. Бу күннэргэ нэһилиэкпитигэр “Саханефтегазсбыт” саҥа АЗС аһылынна. Уматык кутта кэлбит массыыналарга табыгастаах буоллун диэн “Таттаавтодор” тэрилтэтэ киэҥ иэҥҥэ аспаал тэлгээтэ.
Маны тэҥэ “Таттаавтодор” АУо федеральнай суолу тупсарыыга генеральнай бэдэрээтчитинэн үлэлээтэ. Бүтүн улуус киэн туттар, улахан техникаларынан сэбилэммит суолу оҥорор бөдөҥ тэрилтэ хас да хайысхалаах үлэҕэ дьоннорун уонна техникаларын сөптөөхтүк аттаран туруоран, маны тэҥэ инженернай-техническэй хамаанда күүскэ үлэлээн кылгас болдьохтоох, улахан кээмэйдээх үлэни кыайа тутта.
Үйэлээх муоста үөрүүлээх аһыллыытын Сарыал култуура киинэ иилээн-саҕалаан ыытта.
Сүрүн ыалдьыттарынан транспорт уонна суол хаһаайыстыбатын министирэ Владимир Сивцев, улуус баһылыга Айаал Бурцев, Таатта нэһилиэгин баһылыга Егор Павлов, «Таттаавтодор» генеральнай директора Иван Бочонин, “Таттаавтодор” АО үлэһит коллектива кыттыыны ыллылар. Алгыс сиэрин-туомун “Алгыс” балаҕан салайааччыта Карл Христофоров ыытта.
Саҥа тутуллубут үйэлээх муостаны аһар аалай кыһыл лиэнтэни транспорт уонна суол хаһаайыстыбатын миниистирэ Владимир Сивцев, улуус баһылыга Айаал Бурцев, Таатта нэһилиэгин баһылыга Егор Павлов, «Таттаавтодор» генеральнай директора Иван Бочонин быстылар.
Манчаары оонньуулара сайдыыга олук буолла. Улууспут киинэ, тапталлаах Ытык Күөлбүт дьон олороругар, үүнэргэ-сайдарга бары усулуобуйа олохтонно, дьон сөҕөр гына тубуста-киэркэйдэ.
Анна Яковлева. Ааптар хаартыскаҕа түһэриитэ
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…