Ытык кырдьаҕас Семен Колтовской 103 сааһын туолла

Бүгүн, балаҕан ыйын 14 күнүгэр, Дьокуускай куорат күнүгэр, Аҕа дойду Улуу сэриитин кыттыылааҕа, Дьокуускай куорат Бочуоттаах гражданина Семен Иванович Колтовскай 103 сааһын туолла.

Бу туһунан Дьокуускай куорат дьаһалтатын пресс-сулууспата иһитиннэрэр.
Бу бэлиэ күнүнэн Дьокуускай куорат баһылыга Евгений Григорьев ытык кырдьаҕаһы дьиэтигэр тиийэн эҕэрдэлээтэ, чэгиэн-чэбдик доруобуйаны баҕарда.
Семен Иванович дьиэтин таһыгар ыытыллыбыт «Поем двором» аахсыйаҕа  куорат олохтоохторо кыттыһан, иккис аан дойду сэриитин саллаатыгар дириҥ ытыктабылы уонна махталларын биллэрдилэр, ыллаан-туойан эҕэрдэлээтилэр.
«Биһиги Кыайыылаах көлүөнэнэн киэн туттабыт, кинилэр 80 сыл анараа өттүгэр германскай фашистары уонна Япония милитаристарын кыайбыттара! Ити иһин биһиги эһиэхэ дириҥник махтанабыт!
Төрөөбүт күҥҥүнэн, Семен Иванович! Бырааһынньыгынан, убаастабыллаах куорат олохтоохторо! Дьокуускай куорат күнүнэн!», —  диэтэ Евгений Григорьев.