Ытык кырдьаҕастарга бэлэхтэри туттардылар

Улуу Кыайыы 79 сылынан «Бэтэрээҥҥэ ыалдьыттаа» аахсыйа ыытылынна. Бу аахсыйаҕа А.Е.Кулаковскай аатынан норуоттар доҕордоһууларын дьиэтэ көхтөөх кыттыыны ылла.

СӨ тас сибээскэ уонна норуоттар дьыалаларыгар миниистири солбуйааччы Татьяна Пяткина, Ил Түмэн Бэрэссэдээтэлин солбуйааччы Александр Подголов, А.Е.Кулаковскай аатынан норуоттар доҕордоһууларын дьиэтин салалтата, национальнай-култуурунай түмсүүлэр бэрэстэбиитэллэрэ ытык кырдьаҕастары эҕэрдэлээтилэр. Истиҥ эҕэрдэни кытары ас-үөл наборун туттардылар. Маны сэргэ, норуоттар доҕордоһууларын дьиэтин уус-уран самодеятельноһын кыттыылаахтара, национальнай-култуурунай түмсүүлэр бэтэрээннэргэ анаан бэртээхэй ырыалары бэлэхтээтилэр.

Норуоттар доҕордоһууларын дьиэтин пресс-сулууспата

Хаартыскалар норуоттар доҕордоһууларын дьиэтин пресс-сулууспатыттан