Ытык сиргэ «Күнү көрсүү» этнокомплекса саха балаҕана тутуллуоҕа

Бу күннэргэ Дьокуускай куорат Гагаринскай уокуругар тутуллуохтаах «Күнү көрсүү» култуура сиэр-туом комплекса тутулла турар бырайыак тосхоло оҥоһуллан, эппиэттээх бөлөх тэриллэн, үлэтин тэтимнээхтик ыытан эрэр. Саҥа уопсастыбаннай сир «Ытык сир» пааркатын ситимигэр киириэҕэ.

Бырайыак куйаар ситиминэн ыытыллыбыт киирсиилээх куоластааһыҥҥа кыайбыта. Ол түмүгэр киин куорат олохтоохторо «Куорат табыгастаах эйгэтин оҥоруу» федеральнай бырайыак чэрчитинэн ханнык уопсастыбаннай сирдэри сайыннаралларын талбыттара. Бу хамсааһын далааһыннанан өрөспүүбүлүкэ олохтоохторо эмиэ кыттыбыттара.

«Күнү көрсүү» комплекс идиэйэтин ааптара — саха ытык алгысчыта Афанасий Федоров. Бу бырайыагы «Аҕа дойду Улуу сэриитин дьоруойдара» ТОС салалтата (сал. Алексей Андросов) бырайыактыыр-симиэтэлиир докумуону оҥорон көҕүлээбитэ. Бырайыакка өрөспүүбүлүкэ ааттаах-суоллаах мас уустара кыттыһан эрэллэр.

«Ытык сир» паарката «Аҕа дойду Улуу сэриитин дьоруойдара» уопсастыбаннай тэрилтэ сирин уонна Кыайыы пааркатын икки ардыгар баар. Паарка сиригэр былааннаммыт эбийиэктэргэ Дьоруойдар аллеялара, сынньанар сир, футбол хонуута, скейтбординг суоллара, дьарыктанар сир, дьарыктанар сир уонна оонньуур былаһаакка киирсэллэр.

2025 сыл сэтинньи ыйынааҕы туругунан, «Күнү көрсүү» комплекса тутулугар сыһыаннаах үгүс тэрээһин ыытылла турар.

Бу чааска «Арчы» дьиэтигэр саха балаҕанын тутуутугар бырайыагы олоххо киллэриигэ үлэлэһэр хамыыһыйа чилиэннэрэ сүбэ мунньаҕы ыыта олороллор. Тэрээһиҥҥэ саха алгысчыта Афанасий Федоров кыттыыны ылар.