Хаартыска: Елена Потоцкая
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар.
Манчаары төрүт үгэс оонньууларын күрэһэр кыттар араас улуустартан кэлбит күрэсчиттэри, ыалдьыттары, далааһыннаах тэрээһини сырдатар иһитиннэрэр-биллэрэр суруналыыстары Таатта улууһун кыраныыссатыгар араас көлүөнэ саха дьахталлара алаадьылаах, быырпаҕынан уруйдуу-айхаллыы көрсөллөр.
Ыраахтан кэлбит дьон кии сытынан тунуйбут кыраныысса сиригэр ыраастаннылар, баҕа санааларын эттилэр. Ыалдьыттары көрсүүгэ, үгэс быһыытынан, бары улахан тэрээһиннэргэ Кыйы нэһилиэгин олохтоохторо эппиэттээхтэр эбит. Онон улахан уопуттаахтара харахха быраҕыллар. Кыраныыссаҕа улуус 14 нэһилиэгин ааттарын, дьаралыктарын ыйан туран, улахан сэргэлэри оҥорбуттар. Ол көстүүтэ — олох ураты, сонун. Хас биирдии сэргэҕэ куар-кодтаах. Онно нэһилиэк устуоруйатын, бүгүҥҥү олоҕун-дьаһаҕын туһунан билсиэххэ сөп.
Саамай кэрэхсэбиллээҕэ, кэлиҥҥи сылларга курдук биир да ыһылла сытар алаадьы суох. Ол, арааһа, киһи бодотун тардынарыгар туһаайыллыбыт дириҥ ис хоһоонноох ыйыы-кэрдии оҥоһуллубута дьайар курдук. Онон таатталар ыалдьыттары ох курдук оҥостон, бэрт тэрээһиннээхтик көрүстүлэр. Хайдах эрэ онтон киһи сүргэтэ көтөҕүллэр, салгыы туох эрэ сырдыгы, уратыны күүтэр!
Дьокуускай куорат полициятын бастакы нүөмэрдээх отделын дьуһуурунай чааһыгар үрүҥ көмүс таастаах биһилэҕин уордарбыт киһиттэн сайабылыанньа…
Тааттаҕа "Манчаары оонньууларыгар" түмсүбүт ыалдьыттар тугу көрүөхтэрин сөп эбитий? Манна көрүҥ. Видеоны бэлэмнээтэ Лия Заровняева.
Федерация Сэбиэтигэр Арассыыйа миграцияҕа судаарыстыбаннай бэлиитикэтин сокуон өттүнэн хааччыйыыга анаммыт “төгүрүк остуол” ыытылынна. “Төгүрүк остуолу”…
От ыйын 7 күнүнээҕи туругунан, өрөспүүбүлүкэ сиригэр-уотугар ойуурга уонна сиринэн умайыы бэлиэтэммэтэ. Бу туһунан өрөспүүбүлүкэ…
Быйылгы Туймаада ыһыаҕын «Дыгын оонньууларын» кыайыылааҕынан Амма Чапчылҕанын уола Борис Сдвижков буолбута. Бу күннэргэ кыайыылааҕы…
Сунтаар - Олоҥхо дойдутун күүстээхтэрэ, быһыйдара, бөҕөстөрө алгыс маанытын ылынан Манчаарыга туруннулар. Саха сирин олимпиадатыгар…