Андрей Сорокин хаартыскаҕа түһэриитэ
Дойду аҕа баһылыга Владимир Путин сэтинньи 28 күнүгэр Таатта улууһун Ытык Күөлүгэр саҥа поликлиниканы аһыыга онлайн-сибээс көмөтүнэн кыттыбыта, ис сүрэҕиттэн олохтоохтору эҕэрдэлээбитэ. Билигин поликлиника күннээҕи үлэ эрэсиимигэр киирэн, ыарыһахтары көрөн саҕалаата.
Аныгылыы тутуулаах поликлиника үлэ күнүн устата 200 киһини көрөр-истэр кыамталаах. Санатар буоллахха, саҥа эбийиэк«Доруобуйа» национальнай бырайыак чэрчитинэн тутулунна. Дойду бэрэсидьиэнэ этэринэн, маннык эбийиэктэри тутуу дойдубут хас биирдии эрэгийиэнигэр, олор истэригэр кыра куораттарга уонна бөһүөлэктэргэ, дьон-сэргэ үрдүк таһымнаах аныгы мэдиссиинэ көмөтүн ылалларыгар туһуланар.
4 тыһ. кв.м. иэннээх поликлиника доруобуйа харыстабылын эйгэтин саамай тиһэх ситиһиилэринэн хааччыллыбыт. Бастакы өҥө ылбыт дьон саҥа балыыһа таһымын үрдүктүк сыаналаан хайҕыыллар.
“Кыыспынаан Зариналыын бүгүн үс этээстээх саҥа балыыһаҕа тиийэ сырыттыбыт. Учаастактааҕы педиатр бырааска Майя Виталиевнаҕа приемҥа киирдибит. Саҥа кэбиниэттэр олус тупсаҕайдар, хааччыллыылара үчүгэйин биһирии көрдүбүт. Хамсаналларыгар хааччахтаах дьон холкутук киирэллэригэр аналлаах бэртээхэй пандус баар. Аны анаалыс туттарыыта судургутуйбут. Бу иннинэ атын дьиэҕэ тиийэр этибит. Билигин анаалыһы барытын биир дьиэҕэ туттарыллар буолбут”, — диэн Ытык Күөл олохтооҕо Евдокия Кузьмина санаатын үллэһиннэ.
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…