Ыты кырбаан холуобунай эппиэтинэскэ тардылынна

Хаҥалас улууһугар ыты кырбаабыт эр киһи Холуобунай дьыала 245-с ыстатыйатын 2 ч. “б” пуунунан сууттаммыт.

Быйыл саас маламут боруодалаах ыт тэлгэһэҕэ оонньуу сылдьан сууттанааччы кыра саастаах оҕотун охторон түһэрбит. Эр киһи ыт кыыска саба түстэ дии санаан кыра оҕолор көрөн турдахтарына биридимиэти ылан ыты алтаттан итэҕэһэ суох охсубут.

Суут судаарыстыбаннай буруйдааччы көрүүтүн учуоттаан, сууттанааччыга үс сыл усулуобунай миэрэни анаата. Бириигэбэр күүһүгэр киирэ илик. Бу туһунан Өрөспүүбүлүкэ борокуратууратын пресс-сулууспата иһитиннэрэр.