Юкагир тылынан тылы үөрэтэр сыһыарыы таҕыста

Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын күнүн чэрчитинэн, «Төрөөбүт тыл – норуот нэһилиэстибэтэ» куонкурус кыайыылаахтарын чиэстээһин буолла.

«Аҕыйах ахсааннаах омуктар тылларын харыстыыр ​​бастыҥ бырайыак» түһүмэххэ Үөһээ Халыма оройуонун Тэкки Одулок аатынан Нелемнинскэй орто оскуолата «OdulTalk веб-приложение: разговорник на лесном юкагирском языке» бырайыагынан кыайыылааҕынан таҕыста.

Уус Алдан улууһун Лөгөй интэринээт-лиссиэйэ оҕолорго уонна ыччакка аналлаах бастыҥ бырайыагынан ааттаммыта: «Создание единого дистанционного метапредметного пространства по родному (якутскому) языку «Лөгөй өркөн өй».»Бастыҥ мультимедийнай бырайыак» түһүмэххэ Ньурба улууһун Айар уонна инновация киинэ «Ай-Тыл» интерактивнай үөрэхтээһин мобильнай сыһыарыыта» диэн бырайыактарынан кыайыылаах буолла.

Наҕараадалары кыайыылаахтарга бырабыыталыстыба бэрэссэдээтэлин солбуйааччы Сергей Местников туттарда.

«Төрөөбүт тылга бастыҥ эйгэ», «Тылы үөрэтиигэ бастыҥ лааҕыр» хайысхаларынан күрэс кыайыылаахтара сэтинньи 25 күнүгэр Саха тылын учууталларын сийиэстэригэр наҕараадаламмыттара.

Быйыл «Төрөөбүт тыл – норуот нэһилиэстибэтэ» куонкуруска 23 муниципальнай тэриллииттэн 77 сайаапка киирбит. Сиһилии аах: https://www.sakha.gov.ru/news/16654