Юлия Белехова байыаннай дьайыы кыттыылаахтарын үөрэхтэрин боппуруоһун дьүүллэстэ

Share

Байыаннай эпэрээссийэ кыттыылаахтара уонна кинилэр дьиэ кэргэттэрин чилиэннэрэ үөрэҕи ылар боппуруостара РФ Аҕа дойду буойуттарын дьиэ кэргэттэрин кэмитиэтин салайааччыта Юлия Белехова М.К. Аммосов аатынан Хотугулуу-Илиҥҥи федеральнай университет преподавателлэрин уонна үлэһиттэрин кытта көрсүһүүтүн сүрүн тиэмэтинэн буоллулар.

Хаартыска: М.К. Аммосов аатынан ХИФУ пресс-сулууспата.
Хаартыска: М.К. Аммосов аатынан ХИФУ пресс-сулууспата.
Хаартыска: М.К. Аммосов аатынан ХИФУ пресс-сулууспата.
Хаартыска: М.К. Аммосов аатынан ХИФУ пресс-сулууспата.
Хаартыска: М.К. Аммосов аатынан ХИФУ пресс-сулууспата.

Юлия Белехова байыаннай дьайыы байыастара, кинилэр дьиэ кэргэттэрэ урукку олохторугар төннөллөрүгэр көмөлөһүү улахан суолталааҕын бэлиэтээтэ, диэн иһитиннэрэр Ил Дархан, бырабыыталыстыба пресс-сулууспата.

Арассыыйа Дьоруойа, СӨ ыччат дьыалаларыгар уонна социальнай коммуникацияларга миниистирин эбээһинэһин толорооччу Игорь Юргин бойобуой дьайыылар кыттыылаахтара гражданскай олоххо үөрэнэллэригэр көмө хайаан да наадатын уонна кинилэр кыахтарын, сатабылларын эйэлээх олоххо хаттаан туһанар наадалааҕын бэлиэтээтэ.

Көрсүһүү кыттыылаахтара ыйыппыт боппуруостарыгар эппиэттэри, сүбэлэри, рекомендациялары ыллылар. Өскөтө устудьуон хантараагынан байыаннай дьайыыга хаттаан барбыт буоллаҕына, академическай уоппусканы ылара хайдах буоларын, контузияттан, утуйар уута кэһиллиититтэн, о.д.а. биричиинэттэн дьайыы кыттыылаахтара үөрэнэргэ ыарахаттары көрсөллөрө барыта таарыйылынна.

«Билии» Арассыыйа уопсастыбатын Саха сиринээҕи салаатын дириэктэрэ Дмитрий Апросимов эппитинэн, ХИФУ үөрэҕин кыһаларыгар 24 байыаннай дьайыы кыттыылаахтара үөрэнэллэр. Кинилэр дьиэ кэргэттэриттэн элбэх оҕо үөрэнэр. Университет  байыаннай сулууспалаахтары уонна кинилэр чугас дьоннорун өйүүргэ улахан үлэни ыытар.

«Саха сиригэр үһүс күммүн сылдьабын. Миигин саха дьоно кыайыыга дьулуурдара сөхтөрөр. Эдэриттэн кырдьаҕаһыгар тиийэ бары байыастарга көмөлөһө сатыыллар: хаххалыыр сиэккэ баайаллар, блиндажнай чүмэчилэри оҥороллор. Ыччаттар госпитальга уонна инники күөҥҥэ сылдьар саллааттарга анаан эттэн-балыктан оҥоһуллубут национальнай аһы-үөлү бэлэмнииллэр. Эһиэхэ гуманитарнай көмөнү хомуйар араас кэлэктииптэр бааллар: бизнес, бүддьүөт тэрилтэлэрин бэрэстэбиитэллэрэ туох баар наадалааҕы барытын ыыталлар. Манна ким да кимиэхэ туохха иэстээхпин диэн ыйыппат, ыллылар да онороллор. Бу ураты майгы — өйөбүл туһунан тылынан эрэ саҥарбакка, дьиҥнээхтик өйүүгүн. Саха сиригэр өйөбүл Ил Дархантан саҕалаан бары таһымҥа баар», — диэн тоһоҕолоон бэлиэтээтэ Юлия Белехова.

What’s your Reaction?
+1
1
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Сүбэһит

СҮБЭҺИТ: Халтараантан сэрэниҥ!

Халтарааҥҥа уулуссаҕа сатыы да, массыыналаах да киһиэхэ улахан мэһэйдэр үөскүүллэр. «Хайдах эрэ гынан охтубатах киһи»…

18 минут ago
  • Бэрээдэк
  • Уопсастыба

Аны кыбартыыраҕа радиаторы талбыккынан уларыппаккын

2025 сылтан Арассыыйаҕа элбэх кыбартыыралаах дьиэлэргэ сылытар радиатордары уларытыыны бэрээдэктиир саҥа нуорма олоххо киирдэ. РФ…

27 минут ago
  • Сонуннар
  • Уопсастыба

Эһиил Кэбээйигэ ыытыллар Олоҥхо ыһыаҕар бэлэмнэнии саҕаланна

2026 сылга Олоҥхо ыһыаҕа Кэбээйи улууһун  Кэбээйи сэлиэнньэтигэр Уһун Хонуу ытык сиргэ ыытыллыаҕа. Бу суолталаах…

58 минут ago
  • Сонуннар
  • Уопсастыба

Көтөр кириибин утары миэрэлэри күүһүрдэллэр

Сергей Местников "Противоэпизоотическай хамыыһыйа" мунньаҕын салайан ыытта. Манна бэтэринээрийэ өттүттэн куттала суох буолуу боппуруостарын көрдүлэр.…

1 час ago
  • Сонуннар
  • Уопсастыба

2026 сылга диэри педагогтар дипломнарын бэрэбиэркэлиэхтэрэ

Госдуумаҕа Билим уонна үрдүк үөрэхтээһин кэмитиэтэ сокуон барылынан көннөрүү ылынна. Ол курдук, чааһынай тэрилтэлэргэ эбии…

1 час ago
  • Сонуннар
  • Уопсастыба

«Моя профессия — ИТ» кыайыылаахтара билиннилэр

Бырабыыталыстыба бэрэссэдээтэлин солбуйааччы Анатолий Семенов «Моя профессия – ИТ» Бүтүн Арассыыйатааҕы куонкурус эрэгийиэннээҕи түһүмэҕэр кыайбыт…

2 часа ago